Савдо-саноат палатаси ишчи гуруҳи томонидан ҳудудларда ўрганишлар олиб борилмоқда.

Савдо-саноат палатаси раиси томонидан тузилган ишчи гуруҳ вакиллари айни кунларда Республикамизнинг барча вилоятларида тадбиркорликни ривожлантириш, ёшлар бандлигини таъминлаш мақсадида ташкил этилган тадбирколикка ўқитиш жараёнлари, саноат зоналарида амалга оширилаётган лойиҳалар ва тадбиркорларнинг мавжуд муаммоларини ўрганиш ишларини олиб бормоқда.

Ҳусусан жорий йилнинг 7 май куни Ўзбекистон Республикаси Савдо-саноат палатасининг Юридик бюроси бошлиғи Баҳром Назаров "Самарқанд тажрибаси" асосида олиб борилаётган ишлар билан танишиш учун Қашқадарё вилоятига ташриф буюрди. Ташрифи давомида бошқарма бошлиғи вилоятнинг Нишон туманида амалга оширилаётган ишларни ўрганди.

Туманга амалга оширилган ташриф давомида, Бош вазир қабулҳонасига тадбиркорлардан келиб тушаётган муаммоларни ҳал қилиш, ёшлар бандлигини таъминлаш,   “Ёшлар 1+1” лойиҳаси доирасида тадбиркорликка ўқитилаётган, сертификат топширилган ва кредит ажратилган ёшлар кўрсаткичи билан танишилиб, қолаверса Кичик саноат зоналарида амалга оширилаётган лойиҳалар ҳам ўрганилди.

Савдо-саноат палатаси ишчи гуруҳи томонидан ўрганиш ишлари давом эттирилмоқда.   

ССП Ахборот-хизмати