Тадбиркорнинг қонуний манфаатлари ҳимоя қилинди

Олдин ҳабар берганимиздек, Палата аъзоси «Neftgazmontaj» МЧЖга нисбатан қўлланилган таъсирчан солиқ механизми тўхтатилиши ва ноқонуний ундириб олинган пул маблағларини қайтарилиши тўғрисида Савдо-саноат палатаси томонидан Палата аъзоси манфаатида Ўзбекистон Республикаси Давлат солиқ қўмитаси йирик солиқ тўловчилар бўйича ҳудудлараро давлат солиқ инпекциясига нисбатан судга киритилган даъво ариза Тошкент туманлараро иқтисодий судининг ҳал қилув қарори билан қаноатлантирилиб, жавобгар ҳисобидан Палата аъзоси фойдасига 300 млн. сўм миқдоридаги маблағ ундириб берилган эди.

Тошкент шаҳар иқтисодий судининг қарори билан Тошкент туманлараро иқтисодий судининг ҳал қилув қарори ўзгаришсиз қолдирилган.

Мазкур суд қарорларидан норози бўлиб, уларни бекор қилиш юзасидан жавобгар Йирик солиқ тўловчилар бўйича ҳудудлараро давлат солиқ инпекцияси томонидан Олий судга кассация шикояти киритилган.

Бироқ, жавобгар томонидан берилган кассация шикояти суд томонидан атрофлича ўрганиб чиқилиб, унда келтирилган важлар асоссиз деб топилган. Олий суд иқтисодий ишлар бўйича судлов ҳайъятининг қарори билан Тошкент туманлараро иқтисодий судининг ҳал қилув қарори ва Тошкент шаҳар иқтисодий судининг қарори ўз кўчида қолдирилди ва, шу тариқа, Палата аъзосининг ҳуқуқ ва қонуний манфаатлари яна бир бор ҳимоя қилинди.

ССП Матбуот хизмати