Ўзбекистонга ўсимлик ёғини олиб кириш қўшилган қиймат солиғидан озод қилинади

Солиқ кодексига қўшимчалар киритилди.

Унга кўра, 2021 йил 1 майдан 31 декабргача қуйидагилар қўшилган қиймат солиғидан озод қилинади:

Ўзбекистон ҳудудига ўсимлик ёғи, кунгабоқар ва зиғир уруғи, шунингдек соя данагини олиб кириш;

ўсимлик ёғини (пахта ёғидан ташқари) ишлаб чиқариш ва (ёки) реализация қилиш бўйича айланма.

2021 йил 1 майдан 31 декабргача:

➖ айрим турдаги озиқ-овқат маҳсулотларига нисбатан экспорт божхона божлари киритилади;

➖ тадбиркорларга ўзлари томонидан импорт қилинган кунгабоқар ёғи ва кунгабоқар уруғларини қайта ишлаш натижасида олинган ўсимлик ёғининг (ТИФ ТН бўйича коди 1512 11 – 1512 19) 50 фоизидан ошмаган қисмини экспорт қилишга рухсат берилади.

Ушбу қонуннинг мазмун моҳияти ҳақида бу ерда батафсил ўқинг.

Манба: ЎРҚ–689, 29.04.2021 й.

ССП Матбуот хизмати