Тадбиркорлик субъектлари фаолияти билан танишиш учун Фарғона вилоятига ташриф уюштирилди

Ўзбекистон Республикаси Президентининг “Тадбиркорликни қўллаб-қувватлаш тизимини такомиллаштириш, ишбилармонлик муҳитини янада яхшилаш бўйича қўшимча чора-тадбирлар тўғрисида”ги ПҚ-5088-сонли Қарори ижросини жойларда самарали ташкил этиш ҳолатини ўрганиш мақсадида Ўзбекистон Савдо-саноат палатаси Доривор ва зира  вор ўсимлик етиштирувчиларни қўллаб-қувватлаш бўлими бошлиғи Б.Холбоев Фарғона вилояти туманларида бўлди.

Тошлоқ туманига ташриф давомида тадбиркорлик субъектлари фаолияти билан танишиш, уларни қўллаб-қувватлаш ҳамда муаммоларини жойида ўрганиш асосий мавзу сифатида кўрилди.

Учрашувда доривор ва зиравор ўсимлик етиштирувчилар ва қайта ишловчи тадбиркорларга ушбу соҳага қаратилаётган эътибор ва қилинаётган ишлар ҳукумат томонидан берилаётган имтиёзлар тўғрисида керакли маълумотлар берилди.

Шу билан биргаликда, палата ҳузуридаги ўқув марказда “Ёшлар дафтари”га киритилган ёшлар билан учрашув бўлиб ўтди.  

Мазкур учрашув давомида доривор ва зираворчилик соҳасига қизиқиш билдирган ёшларга доривор ва зиравор ўсимликлар етиштириш ва ҳом ашёларини тайёрлаш, соҳанинг истиқболи ҳақида маълумотлар берилди.

ССП Матбуот хизмати