Жиззах вилоятида "Ҳар бир тадбиркор – ёшларга мададкор” шиори асосида ёшларни тадбиркорликка жалб қилиш ва уларни бандлигини таъминлаш мақсадида “Бўш иш ўринлари” ярмаркаси ўтказилмоқда.

Ўзбекистон Республикаси Президентининг 2021 йил 13 апрель куни “Мамлакатимизда ёшлар бандлигини таъминлаш ва бўш вақтларини мазмунли ташкил этиш чора-тадбирлари тўғрисида” ўтказилган видеоселектор йиғилишида барчамизнинг олдимизга кечиктириб бўлмайдиган муҳим вазифалар белгилаб берилиб, белгиланган вазифалар ижросини таъминлаш мақсадида жойларда “Тадбиркор-ёшга мададкор” ғояси асосида меҳнат ярмаркаси ўтказиш режалаштирилган. “Аҳолини тадбиркорликка жалб қилиш тизимини такомиллаштириш ва тадбиркорликни ривожлантиришга доир қўшимча чора-тадбирлар тўғрисида”ги ПҚ – 4862-сонли қарори ҳамда Ўзбекистон Республикаси Президентининг Олий Мажлисга мурожаатномасида белгиланган вазифалар ижросини сифатли ташкил этиш, “Ҳар бир тадбиркор – ёшларга мададкор” тамойили асосида ҳудудларда ёшлар билан ишлаш тизими самарадорлигини ошириш, “ёшлар дафтари”га киритилган фуқароларни тадбиркорлик кўникмалари ва касб-ҳунарга ўқитиш тизимини кенгайтириш, шу орқали ёшлар бандлигини таъминлаш, "Ёшларни 1+1" дастури доирасида ўқитиш масаласини тўлалигича Савдо-саноат Палатаси мувофиқлаштириб, ёшлар бандлиги билан таъминланишини тегишли ташкилотлар билан биргаликда шакллантиради.

Жиззах вилояти Ҳокимлиги, Жиззах вилоят Бизнес Омбдусман вакили ҳамда Ўзбекистон Республикаси Савдо-саноат палатаси Жиззах вилоят ҳудудий бошқармаси билан ҳамкорликда жорий йилнинг 20-21 май кунлари гарфикка асосан Жиззах шаҳар ва Ш.Рашидов туман лари бўйича Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича меҳнат ярмаркаси ўтказилди.

Тадбирда вилоят ҳокимининг биринчи ўринбосари А.Мустанов, Вилоят Адлия бошқармаси бошлиғи Ш.Саидов, Бизнес Омбдусман вакили С.Усманов, Ўзбекистон Савдо-саноат Палатаси Жиззах вилоят ҳудудий бошқармаси бошлиғи А.Рахмонқулов, Вилоят Ҳунарманд бошқармаси бошлиғи Э.Хасанов, Иқтисодий тараққиёт ва камбағалликни қисқартириш бошқармаси ходимлари, вилоятдаги банк бошқарувчиларива бошқа ташкилотлар иштирок этишди.

Мазкур ярмаркага ҳар бир ҳудуддан 20 дан ортиқ салоҳиятли тадбиркорлик субъектлари ҳамда 100 дан ортиқ ишсиз ёшлар иштирок этишди. Вилоятимиздаги “Ёшлар дафтари”га киритилган ёшлар тадбирда иштирок этишиб, барча ташкилотларнинг бўш иш ўринлари билан танишишдилар.

Тадбирга Ўзбекистон Республикаси Савдо-саноат палатаси Жиззах вилоят ҳудудий бошқармаси томонидан тадбиркорларга кўрсатиладиган хизматлар ва амалдаги қонунчиликда тадбиркорлик субъектларига берилган имтиёзлар тўғрисида планшетлар тайёрланди.

Шу билан бирга, ёшларни ўз бизнесларини очишлари учун таклиф этиладиган мини технологиялар, жиҳозлар ва асбоб ускуналар ишлаб чиқарувчи ва сотувчи ташкилотлар иштироки таъминланди ҳамда мини технологиялар, жиҳозлар ва асбоб ускуналар ҳарид қилиш учун шартномалар расмийлаштирилди.

ССП Ахборот-хизмати