Жиззах вилоятининг Ғаллаорол ва Бахмал туманларида “Бўш иш ўринлари” ярмаркаси ташкил этилди.

Ўзбекистон Республикаси Президентининг 2021 йил 13 апрель куни “Мамлакатимизда ёшлар бандлигини таъминлаш ва бўш вақтларини мазмунли ташкил этиш чора-тадбирлари тўғрисида” ўтказилган видеоселектор йиғилишида барчамизнинг олдимизга кечиктириб бўлмайдиган муҳим вазифалар белгилаб берилиб, белгиланган вазифалар ижросини таъминлаш мақсадида жойларда “Ҳар бир тадбиркор -ёшларга мададкор” ғояси асосида меҳнат ярмаркаси ўтказиш режалаштирилган. “Аҳолини тадбиркорликка жалб қилиш тизимини такомиллаштириш ва тадбиркорликни ривожлантиришга доир қўшимча чора-тадбирлар тўғрисида”ги ПҚ – 4862-сонли қарори ҳамда Ўзбекистон Республикаси Президентининг Олий Мажлисга мурожаатномасида белгиланган вазифалар ижросини сифатли ташкил этиш, “Ҳар бир тадбиркор – ёшларга мададкор” тамойили асосида ҳудудларда ёшлар билан ишлаш тизими самарадорлигини ошириш, “ёшлар дафтари”га киритилган фуқароларни тадбиркорлик кўникмалари ва касб-ҳунарга ўқитиш тизимини кенгайтириш, шу орқали ёшлар бандлигини таъминлаш, "Ёшларни 1+1" дастури доирасида ўқитиш масаласини тўлалигича Савдо-саноат Палатаси мувофиқлаштириб, ёшлар бандлиги билан таъминланишини тегишли ташкилотлар билан биргаликда шакллантиради.

Жиззах вилояти Ҳокимлиги, Жиззах вилоят Бизнес Омбдусман вакили ҳамда Ўзбекистон Республикаси Савдо-саноат палатаси Жиззах вилоят ҳудудий бошқармаси билан ҳамкорликда Жиззах вилояти Ғаллаорол туманида Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича меҳнат ярмаркаси ўтказилди.

Тадбирни туман ҳокими Ж.Оқбоев кириш сўзи билан очиб бердилар.

Ж.Оқбоев ўз сўзларида Савдо саноат палатасининг ташаббуси билан “Ҳар бир тадбиркор -ёшларга мададкор” ғояси асосида меҳнат ярмаркаси  ўтказишни ташкиллаштирганини, бу ярмаркадан келиб чиқиб,  “Аҳолини тадбиркорликка жалб қилиш тизимини такомиллаштириш ва тадбиркорликни ривожлантиришга доир қўшимча чора-тадбирлар тўғрисида”ги ПҚ – 4862-сонли қарори ҳамда Ўзбекистон Республикаси Президентининг Олий Мажлисга мурожаатномасида белгиланган вазифалар ижросини сифатли ташкил этишни, “Ҳар бир тадбиркор – ёшларга мададкор” тамойили асосида ҳудудларда ёшлар билан ишлаш тизими самарадорлигини оширишга эришилаётганлиги , “Ёшлар дафтари”га киритилган фуқароларни тадбиркорлик кўникмалари ва касб-ҳунарга ўқитиш тизимини кенгайтириш, шу орқали ёшлар бандлигини таъминлаш, "Ёшларни 1+1" дастури доирасида ўқитиш масаласини тўлалигича Савдо-саноат Палатаси мувофиқлаштирганлигини ўз нутқида айтиб ўтдилар.

бундан ташқари Туман Ёшлар ишлар агентлиги раҳбари О.Назаров, Бандликка кўмаклашиш маркази раҳбари Ш.Қодиров,  Ўзбекистон Савдо-саноат Палатаси Жиззах вилоят ҳудудий бошқармаси бошлиғи ўринбосари И.Абдурасулов, “Туман ва шахар ТКМ фаолиятларини мувофиқлаштириш” сектори мудири Н.Мавлонова , “Ахборот ва маслахатга кўмаклашиш” сектори мудири Д.Рузиева, туман ТКМ ходимлари ва   туман банк  бошқарувчилари бевосита иштирок этишди.

Мазкур ярмаркага ҳар бир ҳудуддан 20 дан ортиқ салоҳиятли тадбиркорлик субъектлари ҳамда 100 дан ортиқ ишсиз ёшлар, “Темир дафтар” ва “Аёллар дафтарида” турувчи фуқаролар ярмаркада иштирок этишди.

Ҳудудий бошқармадан келган мутахассислар ёрдамида ярмаркада иштирок этганлар ўзларни қизиқтирган барча саволларга жавоблар олишди.

Тадбирга Ўзбекистон Республикаси Савдо-саноат палатаси Жиззах вилоят ҳудудий бошқармаси томонидан тадбиркорларга кўрсатиладиган хизматлар ва амалдаги қонунчиликда тадбиркорлик субъектларига берилган имтиёзлар тўғрисида планшетлар тайёрланди.

ССП Ахборот-хизмати