Тил - миллат бойлиги

Она тили – миллатнинг руҳидир. Дарҳақиқат, тил нафақат миллатнинг бойлиги балки давлатнинг тимсоли ва мулки саналади. Тилни асраб-авайлаш орқали миллат юксалади.  Республикамиз Конституциясида давлат тилининг мақоми ҳуқуқий жиҳатдан белгилаб  қўйилган.
Қолаверса ўтган давр мобайнида она тилимизнинг кенг имкониятларини очиб бериш, унинг миллат ҳаёти ва маънавий-мафкуравий қарашлардаги таъсирини янада кучайтириш мақсадида жуда кўплаб ишлар амалга оширилди. Натижада она тилимиз том маънода давлат тилига айланиб, сиёсий-хуқуқий,  ижтимоий-иқтисодий, маънавий-маърифий жабҳаларда фаол қўлланиб, халқаро минбарларда баралла янграмоқда.

Шуни таъкидлаш керакки, ўзбек тилига давлат тили мақомининг берилиши халқимизнинг ўз мустақиллигига эришиш йўлидаги муҳим қадамларидан бири бўлган эди.
Миллатнинг маънавий бойлиги тилдир. У нафақат муомала воситаси, балки халқнинг маданияти , урф-одати, унинг турмуш тарзи, тарихидир. Айнан тил туфайли инсоният у ёки бу халққа мансублигидан фахрланиб яшайди. Барча тилларни тан олиш ва хурмат қилиш тинчликнинг бирдан бир кафолатидир. Тинчлик эса чин маънода энг улуғ неъматдир.

ССП Ахборот-хизмати