“Давлат корхоналарини трансформация қилиш ва хусусийлаштириш: иқтисодий ислоҳотларнинг янги босқичи” мавзусида халқаро форум ташкил этилди.

Халқаро форум Давлат активларини бошқариш агентлиги ва Жаҳон банки билан ҳамкорликда “Институционал салоҳиятни ошириш” (IBL) лойиҳаси доирасида Жаҳон банки томонидан давлат секторидаги ислоҳотларни амалга ошириш ва давлатнинг иқтисодиётдаги ролини камайтиришда кўрсатаётган услубий ва амалий ёрдам доирасида ўтказилди.

Форум давомида асосий маърузачилар:

Ўзбекистон томонидан: Ўзбекистон Республикаси Бош вазирининг ўринбосари, Иқтисодий тараққиёт ва камбағалликни қисқартириш вазири Ж.А. Қўчқоров, Ўзбекистон Республикаси Президентининг маслаҳатчиси Сэр Сума Чакраборти (ВКА орқали),  Давлат активларини бошқариш агентлиги директори А.Ж. Ортиков, Молия вазири Т.А. Ишметов, Молия вазирининг биринчи ўринбосари О.З. Насритдинходжаев ва Савдо-саноат палатаси раиси А.Икрамов иштирок этиб, нутқ сўзлади.

Форумда мамлакатимиз иқтисодиётини либераллаштириш ва унда давлат корхоналари иштирокини қисқартириш бўйича амалга оширилаётган таркибий ва тизимли ислоҳотларни, хусусийлаштиришга оид турли халқаро моделлар ва ёндашувларни давлат иштирокидаги корхоналарни бошқариш ва ислоҳ қилиш соҳасида олиб борилаётган чора-тадбирларни ҳамда хусуcийлаштириш бўйича олдинда турган вазифаларни муҳокама қилиш режалаштирилди.

Халқаро экспертлар: Жаҳон банки президентининг ўринбосари Анна Бьерде (ВКА орқали), ва Бирлашган Миллатлар Тараққиёт дастури доимий вакили Матилда Димовска белгиланган. Халқаро молия институтларининг (ЕТТБ, ОТБ) Ўзбекистондаги ваколатхоналари раҳбарлари хамда Жаҳон банки томонидан таклиф қилинган хусусийлаштириш ва трансформация хамда иқтисодиётни либераллаштириш сохасидаги юқори даражадаги халқаро экспертлар хам иштирок этди.

ССП Ахборот-хизмати