Тадбиркорларни қўллаб қувватлаш давом этмоқда

Президентимизнинг Олий Мажлисга мурожаатномаси асосида  2021 йилда “Солиқчи – кўмакчи” тамойили билан ишлашни янада такоммиллаштиришни муҳим вазифа сифатида белгилаб олдик дейди, - Сирдарё тумани давлат солиқ инспекцияси "Тадбиркорликни қўллаб қувватлаш" шўъбаси бошлиғи Нурҳаёт Исаков.

Хозирги кунда тадбиркорлик субъектларининг муаммоларини ўрганиш ва кўмаклашиш мақсадида солиқ хизмати ходимлари томонидан тадбиркорлик субъектларини жойига чиққан ҳолда фаолият кўрсатаётган манзиллар бўйича ўрганишлар ўтказилиб, зарур амалий кўмаклар кўрсатилиб, ҳуқуқий тушунтиришлар олиб борилмоқда. Худди шу каби тадбир жорий йилнинг 18 май куни Сирдарё вилоятининг туманларидан биридаги йирик ишлаб чиқариш корхоналаридан ҳисобланган "Sirdaryo Glass" ҳамда "Sirdaryo universal oyna" қўшма корхона шаклидаги масъулияти чекланган жамиятлари фаолияти билан яқиндан танишиб, ишчилар ҳамда корхона раҳбарлари иштирокида очиқ мулоқот ташкил этилди.

Учрашувда Божхона бошқармаси, Савдо саноат палатаси вилоят бўлими ҳамда туман ҳокимлиги вакиллари иштирок этди.

Тадбир давомида солиқ ислоҳотлари натижасида корхоналарга берилаётган имтиёзлар, енгилликлар ва имкониятлар хусусида маълумотлар берилди. Шунингдек, Ўзбекистон Республикаси Президентининг 2021 йил 21 апрелдаги ПҚ-5087-сон Қарорига асосан экспортёрларнинг 2021 йил 1 майгача бўлган ташқи савдо операциялари бўйича муддати ўтган дебитор қарздорлиги учун жарималар бекор қилинганлиги ва бошқа янгиликлар айтиб ўтилди.

Корхоналар фаолияти билан бевосита боғлиқ бўлган қўшилган қиймат солиғи ҳамда электрон ҳисобварақ-фактуралари бўйича алоҳида тушунчалар берилди. Шу билан бирга ўзини ўзи банд қилишнинг ҳуқуқий асоси ҳисобланган “Тадбиркорлик фаолияти ва ўзини ўзи банд қилишни давлат томонидан тартибга солишни соддалаштириш чора-тадбирлари тўғрисида”ги Президент Қарори мазмун моҳияти тўғрисида тушунчалар берилди.

Ҳозирда солиқ тизими ходимлари асосий эътиборни муайян ҳудуд аҳолисининг турмуш шароити ҳамда даражасини юксалтириш, одамларни қийнаётган муаммоларни иложи борича жойида ҳал этишга қаратмоқда. Тадбир якунида иштирокчилар томонидан берилган саволларга атрофлича жавоблар берилди.

"Солиқчи-кўмакчи" тамойили асосида сирдарёлик солиқчилар томонидан ишлар давом эттирилмоқда.

ССП Матбуот хизмати