Элликқалъа туманида “Ташаббус-2021” кўрик танловининг туман босқичи ғолибларини тақдирлаш маросими ўтказилди.

Бугун Элликқалъа туманида Ўзбекистон Республикаси Президенти соврини учун “Ташаббус-2021” кўрик танловининг туман босқичи ғолибларини тақдирлаш маросими ўтказилди.

Кўп йилдан буён тадбиркорлар, фермерлар ва ҳунармандлар ўртасида ўтказиладиган анъанавий “Ташаббус” кўрик-танлови жорий йилда бироз бошқача тарзда ташкил этилмоқда. Карантин талабларидан келиб чиқиб, беллашувнинг туман (шаҳар) босқичида одатдагидан фарқли равишда иштирокчилар томонидан маҳсулотлар кўргазмаси намойиш қилинмади. Ғолиблар  ягона электрон платформа орқали тақдим қилинадиган ҳужжатлар асосида танлаб олиниб, Республика босқичига тавсия этилди ва ғолиблар аниқланди.

Тадбирда туман ҳокими Сейдамат Авезов  кўрик танлов ғолибларни табриклар экан - Мамлакатимизда кичик бизнесни ривожлантириш ва юқори натижаларга эришган тадбиркорлик субъектларини рағбатлантириш бизнесни оммалаштириш, инновацион тадбиркорлик ғояларини кенг тарғиб қилиш, аҳоли бандлигини таъминлашда муносиб ҳисса қўшиб келаётган тадбиркор, фермер ҳамда ҳунармандлар рағбатлантиришда “Ташаббус” кўрик-танловининг муносиб  ўрни бор эканлигини таъкидлаб ўтдилар ва кўрик танлов ғолибларига туман ҳокимлиги томонидан тайёрланган диплом ва қимматбаҳо совғаларни топширдилар.

Кўрик танловда қуйидаги номинациялар бўйича ғолиблар аниқланди:
• Саноат соҳасида йилнинг энг яхши тадбиркори,
• Хизмат кўрсатиш соҳасида йилнинг энг яхши тадбиркори,
• Йилнинг энг яхши ёш тадбиркори,
• Йилнинг энг яхши фермери,
• Йилнинг энг яхши ҳунарманди.
Кўрик-танловнинг Республика босқичига йулланмани қўлга киритган ғолибларимизга омадлар тилаймиз.

ССП Матубот хизмати