Тадбиркорларнинг муаммоларини ўрганиш мақсадида Палата томонидан жойларда учрашувлар ўтказилмоқда

Мамлакатимизда ишбилармонлик ва инвестиция муҳитини тубдан яхшилаш ҳамда тадбиркорликни ҳар томонлама қўллаб-қувватлаш борасида изчил ишлар олиб борилмоқда.

Шуни таъкидлаш лозимки, ушбу соҳада Палата раҳбарияти ва ҳудудий бошқарма ходимлари томонидан тизимли равишда жойларда тадбиркорлар билан учрашувлар ўтказилиб, тадбиркорлар фаолиятидаги муаммолар, қийинчиликлар ва тўсиқларни аниқлаб, уларни бартараф этишда тегишли чоралар қўрилмоқда.

Ҳусусан, Ўзбекистон Республикаси Президентининг ташаббуси билан тадбиркорлар фаолиятида вужудга келаётган муаммоларни ўрганиш ва уларни ҳал этиш мақсадида, Палата, Бизнес-омбудсман, Марказий банк ва вилоят ҳокимликлари ҳамкорлигида “Тошкент вилояти тажрибаси” бўйича Республиканинг барча вилоятларида тадбиркорлар билан учрашувлар ташкил этилди.

Шунингдек, Ўзбекистон Республикаси Президентининг 2019 йил 14 майдаги ПФ-5718-сонли Фармонига асосан, Бош вазирнинг Тадбиркорлар мурожаатини кўриб чиқиш қабулхоналари ташкил этилиши муносабати билан Палата Раиси бошчилигидаги Ишчи гуруҳи томонидан вилоятларда тадбиркорлар билан учрашувлар ўтказилди.

Ўтказилган ушбу учрашувларда 20 000 нафарга яқин тадбиркорлар иштирок этиб, улар томонидан тадбиркорликка оид бўлган 7 982 та муаммо ва таклифлар билдирилган.

Муаммо ва таклифлар таҳлил қилиниб, ҳудуд кесимида кўриб чиқиладиган масалалар ҳудуддаги тегишли масъуллар иштирокида, республика даражасида кўриб чиқиладиган масалалар эса Палата ҳузуридаги ҳуқуқий масалалар бўйича Экспертлар кенгашида тегишли идораларнинг вакиллари ҳамда тадбиркорлар иштирокида муҳокама этилиб, муаммоларни ҳал этиш тизими йўлга қўйилди.

Тадбиркорлар муаммоларини ўрганиш ва уларни ҳал этиш бўйича Бош вазир ўринбосарлари раҳбарлигида Ишчи гуруҳлар ташкил этилган бўлиб, улар таркибига Палата раҳбарияти ҳам киритилган.

Биргина 2021 йилнинг 5 ойида Бош вазир ўринбосарлари раҳбарлигидаги Ишчи гуруҳлар томонидан Республиканинг барча вилоятларида тадбиркорлик субъектлари вакиллари билан ўтказилган учрашувларда жами 2 586 нафар тадбиркорлар иштирок этган ва улар томонидан 3 697 та муаммоли масалалар кўтарилган. Ушбу масалалар тегишли идоралар билан ҳал этиш чоралари кўрилган.

ССП Матбуот хизмати