“Ташаббус-2021” кўрик танловининг Тошкент вилояти босқичи ғолиблари аниқланди.

Ўзбекистон Республикаси Президенти соврини учун анъанавий тарзда тадбиркорлар, фермерлар ва ҳунармандлар орасида ўтказиладиган “Ташаббус-2021” кўрик танловини юқори даражада ташкил этиш ва ўтказиш тўғрисидаги Ўзбекистон Республикаси Вазирлар Маҳкамасининг 2021 йил 26 май кунидаги 270-Ф сонли Фармойишига асосланиб, Тошкент вилояти Қуйи Чирчиқ тумани “Маданият” саройида “Ташаббус-2021” кўрик танловининг вилоят босқичи бўлиб ўтди.



Кўрик танловда ишлаб чиқариш, хизмат кўрсатиш ва хўжалик юритишнинг бошқа соҳаларида юқори натижаларга эришган, фаолиятига инновацион ғояларни татбиқ этиб, импорт ўрнини босувчи экспортбоп маҳсулот ишлаб чиқаришни йўлга қўйган, танловнинг шаҳар, туман босқичларида ғолиб бўлган 103 нафар иштирокчи ўзаро беллашишди.

Тақдирлаш маросимида Савло-саноат палатаси раисининг ўринбосари Ж.Мамажанов, Тошкент вилояти ҳокимининг биринчи ўринбосари М.Файзиев, Савдо-саноат палатаси Тошкент вилояти бошқармаси бошлиғи У.Акбаров Қуйичирчиқ тумани ҳокими А.Холмуродов, , Ёшлар ишлари агентлиги Тошкент вилояти бошқармаси бошлиғи Ғ.Артиков, Ҳунармандлар уюшмаси Тошкент вилояти бошқармаси бошлиғи Д.Машариповлар  ғолибларни маҳсус диплом, Ташаббус статуэткаси ва қимматбахо совғалар билан муносиб тақдирладилар.