Ташаббус-2021 кўрик-танловининг Навоий вилоят босқичи ўтказилди

Ҳар йили анъанавий тарзда илғор натижаларга эришган, саноат, хизмат кўрстатиш ва хўжалик юритишнинг бошқа соҳаларида ташаббус кўрсатаётган, мамлакатимиз иқтисодий салоҳиятини янада мустаҳкамлашга, импорт ўрнини босувчи ва экспортбоп маҳсулотлар ишлаб чиқаришга, ҳудудларни ижтимоий – иқтисодий ривожлантириш ва аҳоли бандлигини таъминлашга ўзининг муносиб ҳиссасини қўшаётган тадбиркорлар, фермерлар ва ҳунармандларни муносиб рағбатлантириш мақсадида Президент соврини учун “Ташаббус-2021” кўрик-танловининг Навоий вилоят босқичи ўтказилди.

Жорий йил туман (шаҳар) босқичларида йўналишлар бўйича жами 650 нафар тадбиркорлар танловда иштирок этиш учун ариза беришди.
Кўрик танловда ишлаб чиқариш, хизмат кўрсатиш ва хўжалик юритишнинг бошқа соҳаларида юқори натижаларга эришган, фаолиятига инновацион ғояларни татбиқ этиб, импорт ўрнини босувчи экспортбоп маҳсулот ишлаб чиқаришни йўлга қўйган, танловнинг шаҳар, туман босқичларида ғолиб бўлган 54 нафар иштирокчи ўзаро беллашди.

Ҳакамлар хайъатининг бахолаш мезонига асосан:
-“Хизмат кўрсатиш соҳасида йилнинг энг яхши тадбиркори”   йўналишида  Кармана туманида фаолият юритувчи “Grand Farm Avitsenna” МЧЖ
-“Саноат соҳасида йилнинг энг яхши тадбиркори” йўналишида Навоий шаҳарида фаолият юритувчи  “Gidro-Stanko-Servis” МЧЖ
-“Йилнинг энг яхши фермери” йўналишида Қизилтепа туманида фаолият юритувчи “Yangi Asr” фермер хўжалиги
-“Йилнинг энг яхши ёш тадбиркори” йўналишида Зарафшон шаҳрида фаолият юритувчи  "Nurli Diyor Parranda" МЧЖ  
-“Йилнинг энг яхши ҳунарманди” йўналишида Нурота туманида фаолият юритувчи  ЯТТ “Амонова Фeруза Тошeвна” кўрик-танловнинг Навоий вилоят босқичи ғолиби бўлдилар ва республика босқичида иштирок этиш учун йўлланмани қўлга киритдилар.

Кўрик-танлов ғолибларини тақдирлаш маросимида Навоий вилояти ҳокимининг биринчи ўринбосари Т.Атамуродов, Савдо-саноат палатаси бошқарма бошлиғи О.Муродов, Туман (шаҳар) ҳокимлари, “ZARAFSHAN GOLDEN GROUP” МЧЖ таъсисчиси У.Файзиев, Савдо-санаот палатаси Навоий вилоят ҳудудий бошқармаси бошлиғи А.Ғайбуллоевлар ғолибларни маҳсус диплом, Ташаббус статуэткаси ва қимматбахо совғалар билан муносиб тақдирладилар.

ССП Матбуот хизмати