«Ташаббус-2021» кўрик-танловининг Қашқадарё вилоят босқичи ўтказилди.

10 июнь куни Қарши шаҳрининг «ИТ ПАРК» биносида, 73 нафар туман (шаҳар) босқичларининг биринчи ўрин ғолиблари вилоят босқичида иштирок этиб, «Ташаббус 2021» кўрик танловининг Республика босқичининг йўлланмаларини қўлга киритиш мақсадида ўз кўргазмалари билан ва эришган натижалари бўйича ҳакамлар ҳайъати олдида тақдимотларини ўтказишди.

Кўргазма якуни бўйича Қашқадарё вилоят босқичининг биринчи ўрин соҳибларга Савдо-саноат палатаси раиси ўрин босари Ж. Мамажонов ва ССП Қашқадарё вилоят ҳудудий бошқармаси бошлиғи У. Пардаевлар махсус диплом, Ташаббус статуэткаси ва қимматбаҳо совғалар топширишди.

«Саноат соҳасида йилнинг энг яхши тадбиркори»йўналиши бўйича 1-ўрин соҳиби «РАДИАНТ СИЛК» МЧЖ Сайлиев Жамол Камоловичга,
«Хизмат кўрсатиш соҳасида йилнинг энг яхши тадбиркори» йўналиши бўйича 1-ўрин соҳиби «КОСОН ТРАНС СEРВИС» МЧЖ Ҳусанов Жавлон Жалол ўғли,
«Йилнинг энг яхши ёш тадбиркори» йўналиши бўйича 1-ўрин соҳиби «МЙ CОМ ЛТД ШОЕС» МЧЖ Шойқулов Умиржон Илҳом ўғли,
«Йилнинг энг яхши ҳунарманди» йўналиши бўйича 1-ўрин соҳиби ЯТТ «Раупов Шариф Байрамали ўғли» Раупов Шарифжон Байрамали ўғли,
«Йилнинг энг яхши фермери» йўналиши бўйича 1-ўрин соҳиби «Нишон кўзгу» фермер хўжалиги Узоқов Шерзод Шерматович муносиб деб топилди.

ССП Матбуот хизмати