"Ташаббус-2021" кўрик-танловининг Кармана туман босқичи ўтказилди

Жорий йилнинг 4 июнь куни "Ташаббус-2021" кўрик-танловининг Кармана туман босқичи ўтказилди.  Бу йил туман босқичида иштирок этиш истагини билдириб, 50 нафардан ортиқ тадбиркорлар онлайн ариза топширганлиги  бу  кўрик-танловнинг йилдан-йилга салоҳияти ва имокниятлар кўлами кенгаётганлигидан дарак беради.  

Танлов низомига мувофиқ 5 та йўналиш бўйича туман босқичида ғолиб бўлган тадбиркорлар вилоят босқичида ўзаро беллашадилар.

"Саноат соҳасида йилнинг энг яхши тадбиркори" йўналишида 1-ўрин "Ихлас элекртик" МЧЖга, "Хизмат кўрастиш соҳасида йилнинг энг яхши тадбиркори" йўналишида 1-ўрин "Гранд Фарм Авитсиенна" МЧЖга, "Йилнинг энг яхши ёш тадбиркори" йўналишида  1-ўрин "Муҳаббат боғи" хусусий корхонасига, "Йилнинг энг яхши фермери" йўналишида 1-ўрин "Вохид-Мусо" фермер хўжалигига ҳамда "Йилнинг энг яхши ҳунарманди" йўналишида  1-ўрин Қаюмов Облоберди Темировичга насиб этди.

Бундан ташқари танловда фаол иштирок этган тадбиркорлар алоҳида номинациялар бўйича тақдирландилар. Кўрик-танлов ғолибларига ҳомийлар томонидан қимматбаҳо совғалар топширилди.

ССП Матбуот хизмати