"Ташаббус-2021" кўрик-танловининг Фарғона вилояти босқичи ғолиблари тақдирланди

Фарғона вилоятида “Ташаббус-2021” кўрик-танловининг туман ва шаҳар босқичларида 1678 та тадбиркорлик субъектлари иштирок этиб, улардан ғолибликни қўлга киритган 93 нафари вилоят босқичида қатнашишди.

Вилоят босқичида иштирок этган барча тадбиркорлар махсус диплом ва эсдалик совғалари билан тақдирландилар.

Танлов якунига кўра, “Саноат соҳасида йилнинг энг яхши тадбиркори”, “Хизмат кўрсатиш соҳаси бўйича йилнинг энг яхши тадбиркори”, “Йилнинг энг яхши ёш тадбиркори”, “Йилнинг энг яхши фермери” ва “Йилнинг энг яхши ҳунарманди” йўналишларида ғолиблар аниқланди. 

Танлов ғолибларини вилоят ҳокимининг биринчи ўринбосари Аваз Ўринбоев тақдирлади.

“Ташаббус-2021” кўрик-танлови вилоят босқичи дипломлари билан бирга биринчи ўрин соҳибларига офис мебели тўплами, иккинчи ўрин эгаларига музлаткич, учинчи ўринни қўлга киритганларга кондиционер совға қилинди. Шунингдек, 8 та қўшимча номинацияда ғолиблар аниқланиб, диплом ва совғалар билан тақдирландилар.

“Саноат соҳасида йилнинг энг яхши тадбиркори” – “Ҳамза экспо арт текстиль” ХК раҳбари Ғайрат Қосимов (Олтиариқ тумани);

“Хизмат кўрсатиш соҳаси бўйича йилнинг энг яхши тадбиркори” – “Фарғона тиббиёт файзи” ХК раҳбари Анвар Исломбеков (Фарғона шаҳри);

“Йилнинг энг яхши ёш тадбиркори” – “Меҳригиё” ХК раҳбари Хондамир Нуритдинов (Учкўприк тумани);

“Йилнинг энг яхши фермери” – “Ғоффоржон нурли келажак” ФХ раҳбари Орзухон Нурбоева (Олтиариқ тумани);

“Йилнинг энг яхши ҳунарманди” – ЯТТ “Султонов Иброхимжон Ашуралиевич”  раҳбари Иброҳимжон Султонов (Маргилон шахри).

ССП Ахборот-хизмати