Кабинет:
Войти
Регистрация
Ko'rinish:
Язык:
Тадбиркор кабинети 
Юридик шахс 
“Ташаббус-2021” кўрик танлови Республика босқичи кўргазмасининг тақдирлаш маросими ўтказилди.
Жорий йилнинг 26 май куни Ўзбекистон Республикаси Вазирлар Маҳкамасининг
270-ф-сонли Фармойиши қабул қилинган бўлиб, бу йил кўрик-танловга янада янгича механизмлар жорий қилинди.
Ташаббус кўрик танлови ҳар йили мамлакатимиз бўйлаб кенг миқёсда ўтказилиб келинмоқда. Кўрик танловни ташкил этишдан асосий мақсад қйидагилар ҳисобланади:
- ҳудудларда кичик бизнес ва хусусий тадбиркорликни жадал ривожланишини рағбатлантирувчи бизнес муҳит яратиш, мамлакат иқтисодиётида хусусий секторнинг улуши ва аҳамиятини ошириш;
- тадбиркорларнинг касбий маҳорати ва билим даражасини ошириш учун зарурий шарт-шароит яратиш;
- тадбиркорлик фаолиятидаги илғор тажрибаларни оммалаштириш;
- тадбиркорлар томонидан ишлаб чиқараётган маҳсулотларни реклама қилишга кўмаклашиш ҳамда уларнинг уларнинг ўзаро манфаатли ҳамкорлик алоқаларига кўмаклашиш
- ёшларни тадбиркорлик фаолиятига жалб қилиш ва ўз тенгдошларига ўрнак бўлаётган ёш тадбиркорлик субъектларини рағбатлантириш.
Анъанавий тарзда ташкил этилиб келинаётган мазкур кўрик танлов бу йил ҳам Республиканинг барча туман ва вилоятларида “Тараққиёт сари қадам” шиори остида босқичма-босқич ташкил этилди.
Кўрик танловнинг Республика босқичи ғолиблари қўйидаги 5 та сосий номинациялар бўйича тақдирланди:
- “Саноат соҳасида йилнинг энг яхши тадбиркори”;
- “Хизмат кўрсатиш соҳасида йилнинг энг яхши тадбиркори”;
- “Йилнинг энг яхши ёш тадбиркори”;
- “Йилнинг энг яхши фермери”;
Шу билан бирга иштирокчилар орасидан “Йининг энг яхши тадбиркор аёли” номинацияси бўйича ғолиб аниқлаб олинди.
Қайд этиш лозимки бу йилги танлов тарихида биринчи бор кўрик-танловнинг барча босқичларида ғолибларни аниқлашда шаффофлик ва адолат принциплари таъминлаш мақсадида танловда иштирок этиш учун ўз аризаларини электрон платформа орқали юбориш имконияти яратилди.
Хусусан, жорий йилда ўтказилган кўрик танловга туманлардан 13164 та иштирокчи ўз аризаларини топширди ва улардан 970 таси кўрик танловниннг вилоят босқичига йўлланмани қўлга киритди. Навбатдаги ташкил этилган вилоят босқичларида 69 та иштирокчи ғолибликни қўлга киритди ҳамда Республика босқичида қатнашиш имкониятига эга бўлдилар.
Танловнинг туман (шаҳар) босқичида иштирок этиш учун тадбиркорлик субъектларидан 13 164 та аризалар келиб тушган. Шундан,
- 2 933 та ариза саноат соҳасидаги;
- 3 509 та ариза хизмат кўрсатиш соҳасидаги;
- 2 120 та ёш тадбиркорлардан;
- 2029 та фермер хўжаликларидан
- 2573 та ҳунармандлар танловнинг биринчи босқичида иштирок этишган.
Кўрик танловнинг Республика босқичи кўргазмасининг очилиш маросимида туман ва вилоят босқичларида ғолибликни қўлга киритган 70га яқин тадбиркор ва ҳунармандлар ўз маҳсулотларини ташриф буюрган меҳмонларга намойиш этишди.
Шуни хам кайд этиш жоизки, мамлакатимизда таниқли, илғор тадбиркорлик субъектларининг тажрибаси аҳоли ўртасида кенг тарғиб қилинди ва етакчи тадбиркорлар билан ёшларнинг мулоқотлари ташкил қилинди.
Яна бир муҳим янгилик. Танловнинг асосий 5 та йўналиш ғолиблари каби, республика босқичи иштирокчиларидан энг муносиб бўлган “Йилнинг энг яхши тадбиркор аёли” номинацияси ғолиби ҳам Президент соврини сифатида автомошинасига эга бўлади.
Шунингдек тадбир давомида “Энг яхши “Start-Up” лойиҳа”, “Энг яхши инвестицион лойиҳа”, “Ёшларга энг кўп иш жойи яратган тадбиркор”, “Энг яхши оилавий бизнес соҳиби”, “Энг яхши экспортчи”, “Энг яхши миллий бренд”, “Энг яхши тадбиркорлик кластери”, “Энг яхши кўргазма намойиши учун”, “Интернет технологиялари (IT) соҳасидаги энг яхши тадбиркор”, “Туризм соҳаси ривожига қўшган ҳиссаси учун”, “Йилнинг энг яхши маҳсулоти”, “Маҳалланинг ривожига энг кўп ҳисса қўшган тадбиркор” номинациялари доирасида ҳам ғолиб тадбиркор ва фермерларга махсус диплом ва совринлар топширилди.
17.06.2021
10:42
Мурожаатингиз мувафаққиятли юборилди! 
