Ўзбекистон Савдо-саноат палатаси томонидан яна бир тадбиркорнинг ҳуқуқ ва қонуний манфаатлари ҳимоя қилинди

Ўзбекистон Савдо-саноат палатасига унинг аъзоси “ALSKOM” АЖ суғурта компанияси мурожаат қилиб, ҳуқуқ ва қонуний манфаатларини ҳимоя қилишда амалий ёрдам сўраган.

“ALSKOM” АЖ суғурта компаниясининг мурожаати ўрганиб чиқилганда, Қорақалпоғистон Республикаси Ички ишлар вазирлигига тегишли автортранспорт воситаси иштирокида йўл тарнспорт ҳодисаси содир бўлган ва бунинг натижасида фуқаро (жабрланувчи)га моддий зарар етказилган.

Жабрланувчига етказилган зарар суғурта компанияси томонидан тўлаб берилганлиги натижасида, суғурта компанисиянинг вазирликка нисбатан тўлаб берилган зарарни регресс тартибда ундириш ҳуқуқи вужудга келган.

Ушбу етказилган зарарни ундириш юзасидан вужудга келган низоли масалани ўзаро тинч йўл билан ҳал этиш мақсадида, Палата томонидан тарафлар ўртасида судгача низони ҳал этиш жараёни ўтказилган. Бироқ, низони ўзаро келишиш орқали ҳал этиш имкони бўлмаганлиги боис, Палата томонидан ўз аъзоси манфаатида тегишли судга даъво аризаси билан мурожаат қилинган.

Нукус туманлараро иқтисодий судинин ҳал қилув қарори билан Палатанинг даъво талаблари қаноатлантирилиб, вазирлик ҳисобидан суғурта компанияси фойдасига етказилган зарар ундириб берилган ва, шу тариқа, Палата аъзосининг ҳуқуқ ва қонуний манфаатлари ҳимоя қилинган.

ССП Ахборот-хизмати