ССП қошидаги “Business Monitoring Group” унитар корхонаси томонидан 2021 йилнинг I ярим йиллигида амалга оширилган ишлар тўғрисида.

“Business Monitoring Group” унитар корхонаси томонидан 2021 йилда юридик ҳамда жисмоний шахслар учун бизнесга оид бир қатор тренинглар ташкил этилди.

Хусусан, ўтган давр давомида 18 та тренинг ҳамда онлайн вебинарлар ташкил этилиб, унда жами 1 750 дан ортиқ тадбиркор ва тадбиркорликни бошлаш истагида бўлган фуқаролар ўқитилди.

I.2021 йилда тадбиркорларга Германия Федерал иқтисодиёт ва энергетика вазирлигининг "Fit for Partnership with Germany" бошқарув кадрларини тайёрлаш дастури доирасида танлов асосида, Ўзбекистон Савдо-саноат палатаси ҳамда GIZ ҳамкорлигида Германияда қисқа муддатли амалиёт ўташ имконияти берилди.

II.Машинасозлик экспортини ривожлантириш бўйича кенгаш (ЕЕПC, Ҳиндистон) таклифига биноан, 2021 йил 28 январь куни “Машинасозлик соҳаси вакиллари иштирокидаги саммит”да Ўзбекистон Савдо-саноат палатаси ва Ҳиндистоннинг Ўзбекистондаги элчихонаси аъзолари иштироки таъминланди. Унда Ўзбекистонга инвестицияларни кўпайтириш, икки мамлакат ўртасида машинасозлик соҳаси имкониятлари кўрсатган ҳолда импорт ва экспорт ҳажмини ошириш борасидаги долзарб масалалар кўриб чиқилди.

III. 2021 йил 23 февралда "Smart-farming" (қишлоқ хўжалиги корхоналарини рақамлаштириш) онлайн-конференцияси бўлиб ўтди. Мазкур Дастур доирасида 30 нафар конференция қатнашчиларига Farmtastic Consulting компаниясининг бошқарувчи ҳамкори Юрген Шварценштайнер томонидан Германия Федератив Республикасининг Бавария ҳудудида жойлашган корхона мисолида рақамли технологиялардан фойдаланган ҳолда, фермер хўжаликларида ҳосил кўламини ҳамда ишлаб чиқариш самарадорлигини ошириш имкониятлари бўйича маълумот берилди.

IV. Business Monitoring Group унитар корхонаси, Ўзбекистон-Ҳиндистон тадбиркорликни ривожлантириш маркази ва Ҳиндистон элчихонаси билан ҳамкорликда жорий йилнинг 23-февраль куни Аёллар тадбиркорлигини қўллаб-қувватлаш орқали уларнинг имкониятларини кенгайтириш бўйича ўтказилган онлайн учрашувда 28 нафар иштирокчи хотин-қизларга бу борадаги эътиборга молик жиҳатлар баён этилди.

V. Ўзбекистон Савдо-саноат палатаси Бирлашган Миллатлар Ташкилотининг ижтимоий ҳимоя бўйича қўшма дастури доирасида “Ногирон ҳунармандларни ўқитиш, уларни ўз маҳсулотларини электрон савдо майдончаларида ва ижтимоий тармоқларда реклама қилиш, шунингдек ҳунармандчилик маҳсулотларини сотишни самарали амалга оширишни қўллаб-қувватлаш” лойиҳаси доирасида ташкил этилган 11 та вебинарда 1 300 нафардан ортиқ ногиронлиги мавжуд ҳунармандлар ҳамда Палатанинг туманлардаги тадбиркорликка кўмаклашиш марказлари ходимлари иштирок этишди.

Лойиҳадан кўзланган асосий мақсад, 100 нафар ногиронлиги бор ҳунармандлар ҳамда 200 нафар Палатанинг туманлардаги тадбиркорликка кўмаклашиш марказлари ходимларининг бу борадаги керакли билим ва кўникмаларга эга бўлишини таъминлаган ҳолда ногиронликни англаш, ногиронлиги бор ҳунармандларни тадбиркорлик фаолиятига кўмаклашиш учун имконият яратишдан иборат.

VI. Жорий йилнинг 16-18 июнь кунлари Business Monitoring Group унитар корхонаси Палатаниннг Фарғона вилояти ҳудудий бошқармаси билан ҳамкорликда Фарғона шаҳрида "Савдони ошириш усуллари" мавзусида тренинг-семинар ўтказилди.

Тренингда 200 нафар тадбиркорлар қамраб олинди ҳамда унумли мулоқот асослари, мижоз билан суҳбат мобайнидаги инструментлари, саволларнинг турлари, мижознинг қарор қилиш модели, 2 млн.долларлик инвестиция машқи каби мавзуларда уларга билим ва кўникмалар берилди.

VII. 2021 йилнинг 26 июнь куни "Санадор" ўқув соғломлаштириш маркази раҳбари ва "Қалб Қўрим академия" лойиҳа асосчиси тажрибали психолог Юлдузхон Холмуродованинг "Тўғри мақсад қуйиш ва натижа олишни бошлаш" мавзусидаги тренинги бўлиб ўтди.

Мазкур тренингда 80 дан зиёд аёллар максад, орзу ва истак фарқлари, қарздорлигдан чиқиш йўллари, 100 минг АҚШ долларига эришиш йўллари, мақсад қандай қуйилиши борасидаги зарурий билим-кўникмаларга эга бўлдилар.

ССП Ахборот-хизмати