Ўзбекистон-Покистон ишбилармонлар кенгашининг биринчи йиғилиши бўлиб ўтди

14 июль куни Тошкентдаги “International Hotel in Tashkent” меҳмонхонасида Ўзбекистон-Покистон ишбилармонлар кенгашининг биринчи йиғилиши бўлиб ўтди. Тадбирни Ўзбекистон Савдо-саноат палатаси раиси А. Икрамов олиб борди.

Шунингдек, тадбирда Бош вазир ўринбосари-Инвестициялар ва ташқи савдо вазири С. Умурзаков, Покистон Ислом Республикаси Бош вазирининг маслаҳатчиси Абдул Раззоқ Довуд, Покистон Ислом Республикаси Савдо-саноат палаталари федерацияси Президенти Миан Нассер Хайт Магго ва бошқа вазирлик ва идоралар, шунингдек, икки мамлакат ишбилармон доиралари вакиллари иштирок этди.

Тадбирнинг асосий мавзуси Ўзбекистон-Покистон ўртасида инвестиция ва савдо-иқтисодий ҳамкорлигини янада ривожлантириш, икки мамлакат ишбилармон доиралари ўртасидаги икки томонлама алоқаларни мустаҳкамлаш масалалари бўлди.

Ўзбекистон Республикаси Бош вазирининг ўринбосари, Инвестициялар ва ташқи савдо вазири С. Умурзаков ўз нутқи давомида сўнгги йилларда икки мамлакат ўртасидаги савдо-иқтисодий алоқалар ва ҳамкорлик фаол ривожланиб бораётганини, пандемияга қарамай, ўзаро савдо ҳамда Ўзбекистон ва Покистон ўртасидаги қўшма бизнес лойиҳалар сони тез суръатлар билан ўсиб бораётганини таъкидлаб ўтди.

Шунингдек, у Ўзбекистон ва Покистон ўртасидаги доимий ҳамкорлик икки мамлакат ўртасидаги муносабатларни янада ривожлантиришга асос бўлишини қайд этиб ўтди.

Шу билан бирга, Покистон Ислом Республикаси Бош вазирининг маслаҳатчиси Абдул Розак Довуд сўзга чиқиб, сўнгги йилларда мунтазам равишда юқори даражадаги алоқалар, ўзаро муносабатларни жадал ривожлантиришга ҳисса қўшганлигини қайд этди. Таъкидлаш жоизки, Ўзбекистон ва Покистон учун устувор йўналишларда иқтисодий шерикликни изчил кенгайтиришга, шунингдек, икки мамлакат ишбилармон доиралари вакиллари ўртасидаги ўзаро ҳамкорликни фаоллаштиришга алоҳида эътибор қаратилмоқда.

Тадбирда сўзга чиққан Покистон Ислом Республикаси Савдо-саноат палаталари федерацияси президенти Миан Нассер Хайт Магго бугунги учрашув кучли ишбилармонлик майдонига айланишига, чуқур ҳурмат ва самимий дўстлик тамойилларига асосланган Ўзбекистон ва Покистон ишбилармон доиралари ўртасидаги муносабатлар янги бошланғич нуқтани белгилашига ишонч билдирди.

Бугунги Ўзбекистон-Покистон ишбилармонлар кенгашида икки мамлакат ишбилармон доиралари ўртасидаги ҳамкорликни кучайтиришга қаратилди.

Учрашув давомида меҳмонлар Ўзбекистоннинг инвестиция салоҳиятига оид тақдимот материаллари ва мамлакатимизда бизнес юритиш учун барча шарт-шароитлар билан танишдилар.

Ўзбекистон томонидан "Ўзтекстилпром" филиаллар ассотсиацияси раиси И.Ҳайдаров, шунингдек "Ўзчармсаноат" уюшмаси раисининг ўринбосари Ф. Нурмуҳаммедов ва Фармацевтика саноатини ривожлантириш агентлиги директори С. Кариевлар сўзга чиқдилар.

Покистон томонидан “ATS Synthetics Pvt Ltd,” компанияси номидан Покистон Ислом Республикаси Савдо-саноат палаталари федерациясининг собиқ президенти Миана Нисара Аҳмад, Qasimi Industries (Pvt) Ltd компанияси номидан  Покистон Ислом Республикаси Савдо палаталари федерациясининг вице-президенти Ханиф Лахани, шунингдек Покистон Ислом Республикаси Савдо-саноат палаталари федерациясининг аъзоси, “M/s Pyramid Logistics (Pvt)”  вакили Ёқуб Шайх иштирок этишди.

Тадбир якунида Ўзбекистон ва Покистон хусусий сектор вакиллари икки мамлакатда қўшма лойиҳаларни янада ривожлантиришга ўз ҳиссаларини қўшиш истакларини билдирдилар.

Маълумот учун: 2021 йил январ-май ойларида ўзаро товар айирбошлаш ҳажми 69,4 миллион долларни (+ 158,8%) ташкил этди, шу жумладан экспорт -47,6 миллион доллар (+ 159,2% марта), импорт -24,8 миллион доллар (-72%).

2021 йил 1 июндан бошлаб мавжуд Покистон сармояси иштирокидаги 163 корхона, шулардан 100 та Покистон капитали иштирокидаги 48 қўшма корхона ва 115 корхона.

ССП Матбуот хизмати