Ўзбекистон Республикасининг “Судлар тўғрисида”ги Қонуннинг моҳияти ва аҳамияти

Ушбу қонунга кўра, суд тизими ўзгартирилди, Конституциявий суд ва Судьялар олий кенгашини ташкил этиш ва унинг фаолияти тартиби эса алоҳида қонунлар билан белгиланади.

Мазкур Қонун 14 боб ва 101-моддадан иборат.

Судлар тизими қуйидагилардан иборат:

• Конституциявий суд;
• Олий суди;
• ҳарбий судлар;
• Қорақолпоғистон Республикаси суди, вилоятлар ва Тошкент шаҳар судлари;
• Қорақолпоғистон Республикаси маъмурий суди, вилоятлар ва Тошкент шаҳар маъмурий судлари;
• фуқаролик ишлари бўйича туманлараро, туман, шаҳар судлари;
• жиноят ишлари бўйича туман, шаҳар судлари;
• туманлараро, туман, шаҳар иқтисодий судлари;
• туманлараро маъмурий судлари.

Шунингдек, судларнинг мақоми ва судьялар мустақиллигининг кафолатлари, уларнинг ҳуқуқлари ва мажбуриятлари, судьялик лавозимига номзодга қўйиладиган талаблар, шунингдек судьяларни, судларнинг раислари ва раис ўринбосарларини тайинлаш (сайлаш) тартиби белгиланган.

35 ёшга тўлган, олий юридик маълумотга эга бўлган Ўзбекистон фуқароси судьялик лавозимига номзод бўлиши мумкин.

Юридик ихтисослик бўйича камида 15 йиллик иш стажига, шу жумладан, қоида тариқасида, судья сифатида камида 7 йиллик иш стажига эга бўлган шахс Олий суд судьяси бўлиши мумкин.
Юридик ихтисослик бўйича камида 10 йиллик иш стажига, шу жумладан, қоида тариқасида, судья сифатида камида 2 йиллик иш стажига эга бўлган шахс Ўзбекистон Республикаси Ҳарбий судининг, Қорақолпоғистон Республикаси судининг, Қорақалпоғистон Республикаси маъмурий судининг, вилоят, Тошкент шаҳар судининг, вилоят, Тошкент шаҳар маъмурий судининг судьяси бўлиши мумкин.

35 ёшга тўлган ва юридик ихтисослик бўйича камида 7 йиллик иш стажига эга бўлган шахс туманлараро, туман, шаҳар судининг, ҳудудий ҳарбий суднинг судьяси бўлиши мумкин.

Илк бор судьялик лавозимига тайинланадиган номзодлар Ўзбекистон Республикаси Судьялар олий кенгаши ҳузуридаги Судьялар олий мактабида мажбурий тартибда ўқиши шарт.

Ўқиш даврида улар асосий иш жойи бўйича ўртача ойлик иш ҳақи сақланмаган ҳолда меҳнат мажбуриятларини бажаришдан озод этилади, бироқ ўқишнинг бутун даврида иш жойи сақланади.

Мазкур Қонун билан қуйидагилар тасдиқланди:

•   Ҳарбий судлар фаолиятини ташкил этиш тўғрисидаги низом;
•   Судьяларнинг малака даражалари тўғрисидаги низом;
•   Суд тизими ходимларининг мансаб даражалари тўғрисидаги низом.

Ушбу Қонун расмий эълон қилинган кундан эътиборан кучга киради.

ССП Ахборот-хизмати