TOBB ETÜ TASHKENT кириш имтиҳонлари

Жорий йилнинг 21 август куни Ўзбекистон Савдо-саноат палатаси ва Туркия Республикасининг Ўзбекистондаги элчихонаси ҳамкорлигида "Пахтакор" стадионида Туркия иқтисодиёт ва технология университетининг Тошкент филиалига кириш имтиҳонлари ўтказилди. 

Имтиҳонга Ўзбекистон Савдо-саноат палатаси раиси, Туркия иқтисодиёт ва технология университети Тошкент филиали ректори A.Икрамов, шунингдек, Туркиянинг ТОВВ ЕТÜ университети профессорлари ташриф буюрди.

Эслатиб ўтамиз, Туркия мамлакатимизнинг етакчи савдо шерикларидан биридир. Сўнгги йилларда қулай сармоя ва ишбилармонлик муҳити натижасида турк тадбиркорлари Ўзбекистонда ўз фаолиятини янада кенгайтирдилар.

Бу ўқув йилида 900 га яқин абитуриент қуйидаги 4 та йўналишда ўқиш бўйича ҳужжатларни топширди:
• электрон тижорат ва технологияларни бошқариш;
• халқаро бизнес ва тадбиркорлик;
• Aрхитектура ва дизайн;
• ички архитектура.

Имтиҳонлар иккита фан бўйича ўтказилди: инглиз тили ва математика.

2021-2022 ўқув йилида 30 нафар энг иқтидорли абитуриент грант асосида ўқишга қабул қилиниши алоҳида эътиборга лойиқ.
Таъкидлаш жоизки, ТОВВ ЕТÜ ТASHKENT университети икки томонлама таълим тизимига асосланган бизнес ва тадбиркорлик соҳасидаги мутахассисларни тайёрлайди. Туркия Иқтисодиёт ва Технология Университетида ўқув йили 3 семестрдан иборат.
Туркия иқтисодиёт ва технология университетининг Тошкент филиалида имтиҳон топширган абитуриентларга муваффақият тилаймиз.

ССП Матбуот хизмати