Янгийўл шаҳрида навбатдаги очиқ мулоқот ўтказилди.

Жорий йилнинг 26 август куни Янгийўл шаҳрида Ўзбекистон Республикаси  Призидентининг тадбиркорлар билан ўтказилган очиқ мулоқотида берилган топшириқлар ижросини таъминлаш мақсадида тадбиркорлар билан навбатдаги учрашув ўтказилди.

Бунда Янгийўл шаҳар ҳокими ва 4 та сектор раҳбарлари ҳамда шаҳар ҳокими ўринбосарлари, Савдо-саноат палатаси Тошкент вилоят ҳудудий бошқармаси тасарруфидаги Тадбиркорликка кўмаклашиш маркази шаҳар бўлинмаси раҳбари, шаҳар Бош вазир қабулхонаси мудири ва бошқа тегишли ташкилот раҳбарлари тадбиркорларни қийнаб келаётган муаммоларини атрофлича ўргандилар. Муаммоларнинг ечими бўйича тегишли ташкилотлар раҳбарларига аниқ вазифалар берилди. Қонуний жиҳатдан қаноатлантириш имконияти мавжуд бўлмаган мурожаатлар бўйича тадбиркорларга тушунчалар берилди, ҳамда лойиҳаларини такомиллаштириш бўйича амалий ёрдам берилишига келишилди.

ССП Ахборот-хизмати