"Ёшлар дафтари"га киритилган ёшлар учун тадбиркорлик ва бизнесни очиш ҳамда ривожлантириш бўйича махсус ўқув курсларининг навбатдаги босқичи бошланди

Хабарингиз бор, Республикамиз бўйлаб кенг кўламда “Ҳар бир тадбиркор ёшларга мададкор” тамойили остида темир дафтарга киритилган ва уюшмаган ёшларни тадбиркорлик асосларига ўқитиш дастурлари давом этмоқда. Айни вақтга қадар мамлакатимизнинг деярли барча вилоятларида ўқитиш дастурларингинг бир нечта босқичлари ўз ниҳоясига етказилган. Ўқув курсларини мувафаққиятли тамомлаган ёшлар махсус сертификатларни қўлга киритиб тадбиркорлик фаолиятларини бошлашган.

Жумладан, Тошкент шаҳрининг Миробод ва Учтепа туманларида ҳам ушбу тамойил асосида ўқитиш ишлари олиб борилмоқда.

Хусусан, Савдо-саноат палатаси Миробод тумани бўлими томонидан "Ёшлар дафтари"га киритилган ёшлар учун тадбиркорлик ва бизнесни очиш ҳамда ривожлантириш бўйича махсус ўқув курсларининг навбатдаги босқичи бошланди. 

Ҳозирда 30 нафар ёш бўлажак тадбиркорлар махсус ўқув курсларига мунтазам фаол иштирок этишмоқда. Ўқув курслардан кўзланган асосий мақсад, ишсиз ёшларни касб-ҳунарга ва тадбиркорликка жалб этиш ва уларни келажакдаги тадбиркорлик фаолиятида зарур бўлган билим ва кўникмаларни оширишдан иборат.

Шунингдек, Учтепа туман ҳокимлиги ва Тадбиркорликка кўмаклашиш маркази туман бўлинмаси ҳамда бошқа мутасадди ташкилотлар томонидан "Ёшлар дафтари"га киритилган ёшлар учун тадбиркорлик ва бизнесни очиш ҳамда ривожлантириш бўйича махсус ўқув курсларининг навбатдаги босқичи бошланди. 

Ушбу лойиҳа асосида ёшлар учун мутахассисларнинг маҳорат сабоқлари билан бирга кредит, суғурта, божхона, солиқ ва бошқа мавзуларидаги дарслари ҳам ташкил этилган. 

ССП Ахборот-хизмати