ССП раисининг биринчи ўринбосари И.Жасимов “AKS Service Group” консалтинг компанияси бош директори Ваис Каис билан учрашди.

Жорий йилнинг 21 октябрь куни Савдо-саноат палатасида Палата раисининг биринчи ўринбосари И.Жасимов Буюк Британияда фаолият юритувчи “AKS Service Group” инвестицион-консалтинг компанияси бош директори, Ўзбекистон Президентлиги сайлови муносабати билан ташриф буюрган халқаро кузатувчи Ваис Каис билан учрашди.

Учрашув давомида Савдо-саноат палатаси раисининг биринчи ўринбосари И.Жасимов ўтган давр мобайнида мамлакатимизда бизнес муҳитни янада такомиллаштириш борасида амалга оширилган кенг кўламли ислоҳотлар, келгусидаги аниқ стратегиялар ҳақида сўз юритди.  Шунингдек яқин кунларда Ўзбекистонда бўлиб ўтадиган Президентлик сайлови жараёнлари ҳамда амалдаги Давлат раҳбарининг ўтган давр мобайнида амалга оширган тизимли ислоҳотлари ҳақида ҳам маълумот бериб ўтилди.

Шу билан бир қаторда “AKS Service Group” компанияси раҳбари Ваис Каис ҳам Ўзбекистонда тадбиркорларга яратилган имкониятларни юқори баҳолаган ҳолда, Савдо-саноат палатаси билан ҳамкорлик қилишга тайёр эканлигини маълум қилди.

Учрашув давомида томонлар ўртасида ҳамкорлик алоқаларини ўрнатиш ва ривожлантириш масалари муҳокама қилинди.

ССП Ахборот-хизмати