Франциялик кузатувчи Савдо-саноат палатасига ташриф буюрди

Жорий йилнинг 23 октябрь куни Ўзбекистон Савдо-саноат палатаси раиси А.Икрамов Ўзбекистон Республикаси Президентлиги сайловида хорижий кузатувчи сифатида юртимизга ташриф Европарламент депутати Т.Мариани билан учрашди.

Учрашув давомида Франциялик кузатувчи ташкил этилган учрашув учун миннатдорчилик билдириб, Ўзбекистонда Президентлие сайлови олдидан ўтказилаётган барча тадбирлар юқори савияда эканлигини қайд этиб ўтди. Шу билан бирга, хорижий кузатувчи Ўзбекистоннинг Европа мамлакатлари билан дўстона муносабатлари ва иқтисодий соҳадаги кенг кўламли ҳамкорлик алоқалари ҳақида тўҳталиб ўтди. 

Палата раиси ўз нутқи давомида Франциялик кузатувчи Т.Марианига  ташриф учун ўз миннатдорчилигини билдирди. Шу билан бирга Савдо-саноат палатаси, унинг фаолияти ва ўтган давр мобайнида эришилган натижалар тўғрисида маълумот бериб ўтилди.

Хорижий кузатувчи билан ўтказилган учрашув давомида Европа мамлакатлар ҳамда Ўзбекистон ишбилармон доиралари ўртасида тўғридан-тўғри алоқалар ўрнатиш лозимлиги, қолаверса экспорт ва логистика йўналишларида мустаҳкам ҳамкорлик ўрнатиш зарурлиги таъкидланди.

ССП Ахборот-хизмати