Савдо-саноат палатасида Халқаро кузавтувчилар билан учрашувлар бўлиб ўтмоқда

2021 йил 25 октябрь куни Ўзбекистон Савдо-саноат палатасида Ўзбекистон Республикаси Президенти сайловларида халқаро кузатувчи сифатида иштирок этаётган Непалдаги Халқаро муносабатлар ва Осиё дипломатияси институти раҳбари К.Сунил билан учрашув бўлиб ўтди.

Учрашувда Ўзбекистон ва Непал ўртасида савдо-иқтисодий ва инвестициявий ҳамкорлик алоқаларини ривожлантириш масалалари муҳокама этилди.

Томонлар Ўзбекистон ва Непал ўртасида энергетика, қишлоқ хўжалиги, туризм ва доривор ўсимликларни етиштириш соҳаларида савдо-сотиқ алоқаларини йўлга қўйишнинг имкониятлари тўғрисида фикр алмашдилар ҳамда келгусида бу борадаги ҳамкорликнинг истиқолли йўналишларини, шу жумладан, икки давлат савдо-саноат палаталари ўртасида ҳам ўзаро муносабатларни йўлга қўйишни кўриб чиқдилар.