Ўзбекистон Савдо-саноат палатаси томонидан яна бир тадбиркорнинг ҳуқуқ ва қонуний манфаатлари ҳимоя қилинди

Ўзбекистон Савдо-саноат палатасига унинг аъзоси “AGROXIMSTAR ” МЧЖ мурожаат қилиб, ҳуқуқ ва қонуний манфаатларини ҳимоя қилишда амалий ёрдам сўраган.

Палата аъзосининг мурожжати ўрганиб чиқилганда, “AGROXIMSTAR ” МЧЖ ва бошқа бир акциядорлик жамияти ўртасида маҳсулот етказиб бериш шартномаси тузилган бўлиб, унга кўра “AGROXIMSTAR ” МЧЖ томонидан маҳсулотлар ўз вақтида етказиб берилган бироқ, жавобгар акциядорлик жамияти томонидан шартнома шартлари лозим даражада бажарилмасдан, яъни етказиб берилган маҳсулотлар учун тўлов ўз вақтида амалга оширилмаганлиги натижасида Палата аъзосига моддий зарар етказилганлиги аниқланди. 

Тарафалар ўртасида вужудга келган низони судгача ўзаро келишиш йўли билан ҳал этиш мақсадида Палата томонидан ўтказилган учрашувлар натижа бермагач, қарздорликни ундириш мақсадида Савдо-саноат палатаси ўз аъзоси манфаатида судга даъво аризаси билан мурожаат қилган.

Тошкент туманлараро иқтисодий суди томонидан Палатанинг даъво аризаси кўриб чиқилиб, жавобгар ҳисобдан “AGROXIMSTAR ” МЧЖ  фойдасига шартнома бўйича вужудга келган  2.177.181.900 сўм мқдоридаги қарздорликни ундириш тўғрисида ҳал қилув қарори қабул қилинган ва, шу тариқа, Палата аъзосининг ҳуқуқ ва қонуний манфаатлари ҳимоя қилинган.

ССП Ахборот-хизмати