Сирдарё вилояти Ховос туманида тадбиркорларга “мижозбай” тизимида амалий ёрдам кўрсатиш давом этмоқда

Ўзбекистон Республикаси Президенти ҳузурида 2021 йил 8 апрель куни ўтказилган видеоселектор йиғилишида ҳудудларда тадбиркорликни ривожлантириш тўғрисида берилган топшириқлардан келиб чиқиб, 2021 йил 9 ноябрь куни Сирдарё вилояти божхона бошқармасида ташкил этилган Ишчи гуруҳи томонидан Сирдарё вилояти божхона бошқармаси раҳбарияти бошчилигида Ховос тумани хоким ўринбосари ­- Инвестиция ва ташқи савдо бўлими бошлиғи  Х.ТМаллаев ва Сирдарё вилояти Савдо-саноат палатаси Тадбиркорликка кўмаклашиш маркази УК Ховос туман бўлинмаси рахбари И.М.Бабабеков ҳамда Ховос туманида жойлашган “Ўзвагонтаъмир” АЖнинг мутасадди раҳбарлари иштирокида “мижозбай” тизимида учрашув ўтказилди.

Мазкур учрашувда, божхона органлари ва бошқа хўжалик юритиш субъектлари билан вужудга келиши мумкин бўлган низоларни муқобил ҳал этиш усуллари, божхона соҳасига оид қонунбузилиш ҳолатларини содир этган юридик ва жисмоний шахслар ҳамда уларнинг вакилларини соҳага оид муаммо ва масалаларини Ўзбекистон Республикаси ЖК, ЖПК, МЖтК, ФК, ФПК ва бошқа соҳага оид норматив-ҳужжатлар асосида таҳлилий ўрганиб чиқиш, шунингдек Ҳукуматимиз томонидан тадбиркорликни қўллаб-қувватлашда берилаётган кенг имкониятларига алоҳида тўхталиб ўтилди.

Жумладан, “Божхона органлари билан вужудга келиши мумкин бўлган низоларни муқобил ҳал этиш усуллари” ва Ўзбекистон Республикасининг 2021 йил 4 октябрдаги “Ўзбекистон Республикасининг Маъмурий жавобгарлик тўғрисидаги кодексига қўшимча ва ўзгартиришлар киритиш” ҳақидаги 720-сонли Қонунларининг мазмун-моҳияти ҳамда Ўзбекистон Республикаси Президентининг 2021 йил 7 сентябрдаги “Экспортчи корхоналарни рағбатлантиришга оид қўшимча чора-тадбирлар тўғрисида”ги ПФ-6306-сонли фармони талаблари бўйича тушунтиришлар бериб ўтилди.

Шунингдек, учрашув якунида “Ўзвагонтаъмир” АЖнинг ишлаб чиқариш жараёни билан яқиндан танишилди ва божхона ходимлари томонидан келгусидаги экспортни амалга оширишда яқиндан амалий ёрдам кўрсатилиши бўйича келишиб олинди.

ССП Ахборот-хизмати