Янги намунадаги ҳайдовчилик гувохномаси 10 йил муддати берилади

Ўзбекистон Республикаси Вазирлар Маҳкамасининг 2021 йил 17 ноябрдаги ВМҚ-690-сон билан “Миллий ҳайдовчилик гувоҳномасининг ҳамда автомотранспорт воситаси рўйҳатдан ўтказилганлиги тўғрисидаги гувоҳноманинг янги намуналарини жорий этиш чора-тадбирлари тўғрисида” 2017 йил 2 мартдаги 116-сон ВМҚга ўзгартириш киритилди.

Ҳужжатга кўра, фуқароларга эски намунадаги миллий ҳайдовчилик гувоҳномалари ва автомототранспорт воситаси рўйҳатдан ўтказилганлиги тўғрисидаги гувоҳномаларни қуйидаги муддатларда янгиларига алмаштириш назарда тутилган:

• 2010 йилгача бўлган даврда берилганлари - 2022 йил 31 мартга қадар;
• 2010-2015 йилларда берилганлари - 2022 йил 30 июнга қадар;
• 2013-2015 йилларда берилганлари - 2022 йил 30 сентябрга қадар;
• 2015 йилдан кейин берилганлари - 2022 йил 31 декабрга қадар.

Янги хайдовчилик гувоҳномаси берилган кундан бошлаб 10 йил муддатга берилади.

Юқорида кўрсатилган муддатларда алмаштирилмаган хайдовчилик гувоҳномалари ҳақиқий эмас деб ҳисобланади.

Қонун расмий эълон қилинган кундан эътиборан кучга киради

ССП Матбуот хизмати