Ўзбекистон-Озарбайжон Ишбилармонлар кенгашининг 2-йиғлиши бўлиб ўтди

Тадбирда Савдо-саноат палатаси раиси, Ўзбекистон-Озарбайжон ишбилармонлар кенгаши ҳамраиси А.Икрамов, Озарбайжон Республикаси Тадбиркорлар (иш берувчилар) ташкилотлари миллий конфедерацияси (АСК) президенти, Ишбилармонлар кенгашининг Озарбайжон қисми ҳамраиси М.Мусаев, шунингдек, икки давлатнинг масъул вазирлик ва идоралари ҳамда ишбилармон доиралари вакиллари иштирок этди.

Ишбилармонлар кенгашини Озарбайжон Республикаси Тадбиркорлар (иш берувчилар) ташкилотлари миллий конфедерацияси (АСК) президенти, Ишбилармонлар кенгашининг Озарбайжон қисми ҳамраиси очиб берди.

М.Мусаев. Ўзбекистонда амалга оширилаётган ислоҳотлар, тадбиркорларга яратилаётган имкониятларни юксак баҳолаб, Ўзбекистон билан ҳамкорлик қилиш катта шараф ва ҳақиқий масъулият эканини таъкидлади.

Ўзбекистон Савдо-саноат палатаси раиси, Ишбилармонлар кенгашининг Ўзбекистон қисми ҳамраиси А.Икрамов ўз нутқида Ўзбекистон Савдо-саноат палатаси ва Миллий конфедерасиянинг саъй-ҳаракатлари туфайли Ўзбекистон ва Озарбайжон ишбилармон доиралари ўртасида қўшма ҳамкорлик йўналишлари тобора кенгайиб, янги қўшма лойиҳалар амалга оширилаётганини таъкидлади.

Тадбир давомида икки мамлакат ишбилармон доиралари вакиллари турли соҳалардаги инвеститсиявий ҳамкорлик ва инфратузилма лойиҳаларини атрофлича муҳокама қилдилар.

Тадбир давомида ихтисослашган ташкилотлар вакиллари Ўзбекистон ва Озарбайжоннинг турли соҳаларида инвестиция салоҳияти ва мавжуд ҳамкорлик имкониятларини тақдим этдилар.

Маълумот учун: Ўзбекистон ҳудудида Озарбайжон капитали иштирокидаги 178 та корхона фаолият юритади, шундан 63 таси қўшма ва 115 таси 100 фоиз хорижий капитал иштирокидаги корхоналардир.

2021 йил январдан сентябргача бўлган давр мобайнида. мамлакатлар ўртасидаги товар айирбошлаш ҳажми 73 миллион долларни ташкил этади. Шундан экспорт - 44,6 миллион доллар, импорт – 28,4 млн доллар.

ССП Ахборот-хизмати