Ўзбекистон Савдо-саноат палатаси томонидан яна бир тадбиркорнинг ҳуқуқ ва қонуний манфаатлари ҳимоя қилинди

Ўзбекистон Савдо-саноат палатасига унинг аъзоси “BIZNES FAYZ QURILISH TA’MIR SERVIS” МЧЖ мурожаат қилиб, ҳуқуқ ва қонуний манфаатларини ҳимоя қилишда амалий ёрдам сўраган.

“BIZNES FAYZ QURILISH TA’MIR SERVIS” МЧЖнинг мурожжати ўрганиб чиқилганда, жамият ва Мактабгача таълим вазирлиги қошидаги “Инфратузилмани ривожлантириш инжинеринг компанияси” ДУК ўртасида пудрат шартномаси тузилган бўлиб, унга кўра ДУКнинг буюртмаси асосида жамият томонидан қурилиш-таъмирлаш ишлари тўлиқ бажарилганлиги, бироқ, ДУК томонидан шартнома шартлари лозим даражада бажарилмаганлиги, яъни бажарилган ишлар учун тўлов ўз вақтида амалга оширилмаганлиги натижасида тадбиркор зарар кўрганлиги аниқланди. 

Вужудга келган низони судгача ўзаро келишув йўли (медиация) билан ҳал этиш мақсадида Палата масъул ходими томонидан тарафлар ўртасида ўтказилган учрашув ижобий натижа бермаган.

Шу сабабдан, ДУК томонидан шартнома шартлари лозим даража бажарилмаганлиги оқибатида етказилган зарарни ундириш мақсадида, Савдо-саноат палатаси ўз аъзоси манфаатида судга даъво аризаси билан мурожаат қилган.

Тошкент туманлараро иқтисодий суди томонидан Палатанинг даъво аризаси кўриб чиқилиб, ДУК ҳисобдан Палата аъзоси фойдасига 749 млн. сўм миқдоридаги қарздорликни ундириш тўғрисида ҳал қилув қарори қабул қилинган ва, шу тариқа, Палата аъзосининг ҳуқуқ ва қонуний манфаатлари ҳимоя қилинган.

ССП Ахборот-хизмати