Навоий вилоят ҳокими тадбиркорлар билан учрашди

2022 йил 19 январь куни Навоий вилояти ҳокими вазифасини бажарувчи Нормат Турсуновнинг Кармана туманидаги Савдо-саноат палатаси вилоят ҳудудий бошқармаси биносида вилоятдаги тадбиркорлар билан учрашуви бўлиб ўтди.

Таъкидлаш жоизки, карантин қоидаларига қатъий риоя этилган ҳолда ташкил этилган мазкур тадбирда тадбиркорлар билан бир қаторда вилоят сектор раҳбарлари, банк, молия, бандлик каби қатор тизимлар мутасаддилари, корхона ва ташкилотлар раҳбарлари иштирок этди.

 Учрашувни кириш сўзи билан очган Н.Турсунов давлатимиз раҳбари томонидан мамлакатимизда кичик бизнес ва хусусий тадбиркорлик субъектларига шароит ва кафолатлар яратиш, солиқ ва божхона имтиёзларини кенгайтириш, уларнинг қонуний ҳуқуқ ва манфаатларини ҳимоя қилишга катта эътибор қаратилаётгани ҳақида тўхталиб, бугун барча тизимлар ва идоралар тадбиркорга мададкор эканлигини алоҳида таъкидлади.

Учрашувда 100 дан ортиқ тадбиркорларнинг муаммолари, талаб ва таклифлари эшитилди.

ССП матбуот-хизмати