Ўзбекистон Савдо-саноат палатасининг 2021 фаолияти натижалари қандай бўлди?

Савдо-саноат палатаси матбуот хизмати ҳар йилги анъанасига мувофиқ эътиборингизга Палатанинг ўтган бир йил давомида амалга оширган ишлари ҳамда йил якунлари эришилган натижалар ва рақамларни ҳавола этади.   

2021 йил давомида Савдо-саноат палатаси томонидан Ташқи иқтисодий фаолият соҳасида амалга оширган ишлари ва йил якунидаги кўрсаткичлар ҳақида тўхталиб ўтамиз

Кичик бизнес лойиҳаларига хорижий инвестицияларни жалб этиш, тадбиркорларни ўқитиш, малакасини ошириш ва иш услубини такомиллаштириш мақсадида қиймати 20  млн. АҚШ долларлик 10  та хорижий техник кўмак лойиҳалари амалга оширилди.

Ўзбекистондаги кўргазмалар: Ўзбекистонда ўтказилган 81 та кўргазма тадбирларида 2 минг нафардан ортиқ ўзбекистонлик ва чет эллик тадбиркорлар иштирок этиб, уларга 10 минг нафардан ортиқ аҳоли вакиллари ташриф буюрган.

Хорижий мамлакатларда ташкил қилинган 15 та кўргазма ва ярмаркаларда (Германия, Россия, Туркия, Италия, Ҳиндистон, Корея ва бошқалар) 266 нафар маҳаллий тадбиркорларнинг  ўтказилган иштироки таъминланди.

Амалга оширилган ишлар натижасига кўра, 350 дан ортиқ маҳаллий корхонага умумий қиймати 366 млн. АҚШ долларига тенг маҳсулотни экспорт қилишда ёрдам кўрсатилди.

Ҳисобот дарида чет эл капитали иштирокида 193 та қўшма корхонани ташкил этишда ёрдам кўрсатилди, шунингдек 1 316 нафар тадбиркорлик субъектларига 146 млн. АҚШ доллар қийматидаги асбоб-ускуналарни харид қилишга кўмаклашилди.

ССП Ахборот-хизмати