Қашқадарё вилоятида 744-ЎРҚ-сонли Қонуни мазмун-моҳияти юзасидан семинар-тренинг

Савдо-саноат палатаси Қашқадарё вилоят ҳудудий бошқармаси ва Бизнес-омбудсман девонининг Қашқадарё вилоятида фаолият кўрсатувчи ходимлари ташаббуси билан палатанинг ўқув залида “Ўзбекистон Республикаси Маъмурий жавобгарлик тўғрисидаги кодексининг 245 ва 245⁸-моддаларига ўзгартишлар киритиш ҳақида”ги 2022 йил 11 январдаги 744-ЎРҚ-сонли Қонуни мазмун-моҳияти юзасидан семинар-тренинг ўтказилди.

Ўтказилган семинар тренингда тадбиркорлик субъектларининг текширишга ваколатли бўлган назорат қилувчи органларнинг масъул ходимлари иштирок этишди.

Ўтган йил давомида Ҳисобот даврида Палата аъзолари ҳисобланган тадбиркорлик субъектлари манфаатида судларга умумий қиймати 30 трлн. сўмдан ортиқ 31 587  та даъво аризалари киритилди

5 та ҳолатда тадбиркорлик субъектлари ўртасидан вужудга келган низолар Палата вакилларнинг аралашуви ёрдамида судгача ўзаро келишув йўли орқали ҳал этилди

Бизнес-омбудсман девони ходимлари томонидан ўтган йил давомида Қашқадарё вилоятидаги 140 нафар мансабдор шахсларга нисбатан тадбиркорлик соҳасидаги қонунчилик ҳужжатларини бузганлиги учун маъмурий баённомалар расмийлаштирилган.

Расмийлаштирилган маъмурий баённомалар асосида айбдор шахслардан 85 млн сўмдан ортиқ жарималар қўлланилди.

Семинар-тренингда Қонуннинг мазмун-моҳияти билан бирга келгусида назорат қилувчи органлар томонидан тадбиркорлик субъектлари билан бўладиган муносабатда эътиборга олиниши лозим бўлган ҳолатлар тўғрисида маълумот берилди.

ССП Ахборот-хизмати