Навоий вилоятининг Қизилтепа туманида тадбиркорларнинг муаммо ва таклифлари ўрганилди

Жорий йилнинг 1 февраль куни Навоий вилояти Қизилтепа туманининг ҳокимлик биносида, туманда тадбиркорликни кескин ривожлантириш, улар томонидан ишлаб чиқилаётган маҳсулотларни дунё бозорига  таништириш, инвестицияларни жалб қилиш ва бошқа  вазифалар юзасидан  бизнес семинар ва очиқ мулоқот ўтказилди.

Семенарда Савдо-саноат палатаси Раисининг ўринбосари Ж. Мамажанов, туман ҳокими У. Файзиев, Тўғридан-тўғри хорижий инвестициялар жамғармасининг Инвестициялар бўйича Бош директори У.Муслимов ва бошқа вазирликлар  ўз маърузалари билан иштирок этишди.

Хусусан, Савдо-саноат палатаси Раисининг ўринбосари Ж. Мамажанов Палата томонидан тадбиркорларни ҳуқуқий ҳимоясини таъминланиши, уларга  кўрсатилаётган бизнес хизматлар, ёшларни тадбиркорлик асосларига ўқитиш, саноат ва хизмат кўрсатиш соҳасини уйғунлаштириш ва туманнинг ўсиш нуқталаридан келиб чиқиб тадбиркорликни ривожлантириш борасида ўз тақдимотини  семенар иштирокчиларига ҳавола этди.

Тадбир давомида туман ҳокими ва бошқа тегишли идора  маъсул раҳбарлари тадбиркорларга кўмаклашиш йўлида қилинаётган ишлар ҳамда тадбиркорликни ривожлантириш борасида берилаётган имтиёзлар тўғрисида батафсил маълумотлар беришди.

Очиқ мулоқот тарзида ўтказилган семинарда тадбиркорларнинг муаммолари ва таклифлари ҳам тингланди. Тадбиркорлар томонидан кўтарилган ҳар бир масалалаларни ҳал этиш бўйича тегишли вазирлик, идора, хўжалик бирлашмалари ҳамда тижорат банклари маъсуллари билан  келишиб олинди.

ССП Ахборот-хизмати