“Хотин-қизлар ҳуқуқлари бўйича долзарб икки ой” шиори остида илк семинар ташкил этилди

Жорий йилнинг февраль-март ойларида Адлия вазирлиги томонидан “Хотин-қизлар ҳуқуқлари бўйича долзарб икки ой” шиори остида бир қатор тадбирлар ўтказилмоқда. Музкур тадбирлардан кўзланган асосий мақсад,  хотин-қизларни ҳар томонлама қўллаб-қувватлаш, ҳуқуқий, тиббий ҳамда тадбиркорликка оид  билимларини оширишга қаратилган.

Юнусобод туманида ташкил этилган илк семинарда  Адлия вазирлиги, Савдо-саноат палатаси ҳамда Маҳалла ва оилани қўллаб-қувватлаш вазирлиги мутахассислари  ўз маърузалари билан иштирок этиб,  долзарб ҳуқуқий, тиббий хамда тадбиркорликка жалб этиш юзасидан маълумотлар бердилар. 

Ҳусусан Савдо-саноат палатасининг масъул ҳодими М.Мўйиддинова томонидан аёллар тадбиркорлигини ривожлантириш, хотин-қизларни тадбиркорликка жалб қилиш ҳамда Ҳукуматимиз томонидан тадбиркор аёлларга берилаётган имтиёз ва имкониятлар бўйича тушунтириш берилди.

ССП Ахборот-хизмати