Қашқадарё вилоятида тадбиркорлар муаммолари ўрганилди

Сўнги йилларда Президент ислоҳотларига мувофиқ, вилоятда ҳам тадбиркорлик соҳасига кенг эътибор қаратилиб, бу эса ўзининг ижобий натижаларини бермоқда.

Шу боисдан, соҳа вакилларини қўллаб-қувватлаш ва уларнинг муаммоларига ечим топиш мақсадида Қашқадарё вилоят ҳокими ва Савдо-саноат палатаси ҳудудий бошқармаси ҳамкорлигида вилоятдаги тадбиркорларини қўллаб-қувватлаш, уларнинг муаммоларига тезкорлик билан ечим топиш мақcадида «Тадбиркорликни қўллаб-қувватлаш вилоят Штаби» ташкил этилган.

12 февраль куни Савдо-саноат палатаси ҳудудий бошқармаси биносида вилоят ҳокими М.Азимов бошчилигидаги «Тадбиркорликни қўллаб-қувватлаш вилоят Штаби» тадбиркорларни қабул қилди.

Мурожаатларда асосан қурилиш, ерга ёки кўчмас мулкка эгалик ҳуқуқи, банк-кредит, солиқ тизими, юридик шахсларга етказилган зарарни қоплаш, коммунал соҳа ва тиббиёт ҳамда қатор масалалар бўйича муаммолар тингланиб тегишли идора ва ташкилотлар билан муаммоларни тез орада хал этиш масаласи кўриб чиқилди.

ССП Матбуот хизмати