Ўзбекистон Савдо-саноат палатаси томонидан яна бир тадбиркорнинг ҳуқуқ ва қонуний манфаатлари ҳимоя қилинди

Ўзбекистон Савдо-саноат палатасига унинг аъзоси “Қишлоқ Қурилиш Инвест” МЧЖ мурожаат қилиб, ҳуқуқ ва қонуний манфаатларини ҳимоя қилишда амалий ёрдам сўраган.

“Қишлоқ Қурилиш Инвест” МЧЖнинг мурожаати ўрганиб чиқилганда, Йирик солиқ тўловчилар бўйича ҳудудлараро давлат солиқ инспекцияси томонидан “Қишлоқ Қурилиш Инвест” МЧЖ фаолиятида 2020 йил январь ва 2021 йил июнь ойлари оралиғида ҚҚС тўғри ҳисобланиши ва бюджетга тўланиши бўйича камерал солиқ текшируви ўтказилган ва натижаси бўйича далолатнома тузилган.

Сўнгра, Йирик солиқ тўловчилар бўйича ҳудудлараро давлат солиқ инспекцияси томонидан “Камерал солиқ текширувида аниқланган солиққа оид ҳуқуқбузарликлар материалларини кўриб чиқиш тўғрисида”ги қарори билан “Қишлоқ Қурилиш Инвест” МЧЖга жами 40 255,2 млн.сўм ҚҚС ҳисобланган.

Ушбу қарордан норози бўлиб “Қишлоқ Қурилиш Инвест” МЧЖ томонидан Давлат солиқ қўмитасига киритилган шикоят аризаси қўмитанинг
29.10.2021 йилдаги қарори билан қаноатлантириш рад этилган.

Мазкур масала юзасидан Палата томонидан ўз аъзоси “Қишлоқ Қурилиш Инвест” МЧЖ манфаатида Йирик солиқ тўловчилар бўйича ҳудудлараро давлат солиқ инспекцияси ва Давлат солиқ қўмитасининг қарорларини ҳақиқий эмас деб топиш тўғрисида судга ариза киритилган.

Тошкент туманлараро маъмурий судининг ҳал қилув қарори билан Палата томонидан киритилган ариза талаблари қаноатлантирилиб, Йирик солиқ тўловчилар бўйича ҳудудлараро давлат солиқ инспекцияси ва Давлат солиқ қўмитасининг қарорлари ҳақиқий эмас деб топилган ва шу орқали Палата аъзосининг ҳуқуқ ва қонуний манфаатлари ҳимоя қилинган.

ССП Ахборот-хизмати