Уй-жой қурилиши ва қурилиш материллари саноатини ривожлантириш учун чора-тадбирлар ишлаб чиқилди.

Ўзбекистон Республикаси Президентининг 2022 йил 21 февралдаги “Уй-жойлар қурилишини ва қурилиш материаллари саноатини қўллаб-қувватлашнинг қўшимча чора-тадбирлари тўғрисида”ги ПҚ-139-сон Қарори имзолади.

Мазкур Қарорга кўра, республикада қурилиш соҳасини ва қурилиш материалларини ишлаб чиқариш комплексини янада ривожлантириш, ҳудудларда аҳоли учун арзон уй-жойлар қурилишини таъминлаш мақсадида:

• республиканинг 24 та туман ва шаҳарларида қурилиш материалларини ишлаб чиқаришга ихтисослаштирилади.
• республиканинг 8 та туманида хомашёни қазиб олишдан уни қайта ишлаш, лаборатория текширувидан ўтказиш, тайёр қурилиш ва пардозбоп материаллар ишлаб чиқаришгача қўшилган қиймат занжирини яратувчи қурилиш материаллари кластерлари ташкил этилади;
• республиканинг 16 та туман ва шаҳарларида бошқа ҳудудлар билан саноат кооперациясини ташкил қилиш орқали қурилиш материалларини ишлаб чиқарилиши йўлга қўйилади;
• ҳар бир ҳудудда камида биттадан қурилиш материалларини ишлаб чиқаришдан қурилиш объектларини лойиҳалаштириш ва тайёр кўп қаватли уй-жойлар қуришгача қўшилган қиймат занжирини яратувчи уй-жой кластерлари ташкил этилади.

2022 йил 1 мартдан бошлаб:

• барча юридик шахсларга республикада ишлаб чиқариладиган цемент, цемент клинкери ва қурилиш ойнасини чекловларсиз тўғридан-тўғри шартномалар асосида экспорт қилишга рухсат берилади;
• 2024 йил 1 январга қадар Экспортни рағбатлантириш агентлиги томонидан маҳаллий экспорт қилувчи корхоналарга қурилиш материлаларини барча мамлакатларга, шу жумладан чегарадош давлатларга автомобиль, темир йўл ва ҳаво транспортида ташиш ҳаражатларининг 50 фоизигача миқдорини компенсация қилишга субсидиялар тақдим этилади.

“Ўзсаноқаноатқурилишбанк” АТБга 2022 йил якунига қадар капитал бозорлари конъюктурасидан келиб чиқиб, қурилиш материалларини ишлаб чиқариш лойиҳаларини молиялаштириш учун “Ўзсаноатқурилишбанк” АТБнинг 300 миллион АҚШ доллари эквивалентидан кам бўлмаган миқдорда халқаро корпоратив облигацияларини чиқариш ва жойлаштириш ҳамда уй-жой қурилиши кластерларини қўллаб-қувватлаш учун 150 миллион АҚШ доллари миқдорида Хукумат кафолатисиз хорижий кредит линиялари маблағларини жалб қилиш топширилди.

Хоразм вилояти учун Ўзбекистон Республикаси Президентининг 2021 йил 25 августдаги “Инвестиция лойиҳаларини ташқи инфратузилма билан таъминлаш чора-тадбирлари тўғрисида”ги ПҚ-5233-сон қарорига мувофиқ зарур ташқи муҳандис-коммуникация тармоқлари билан Давлат бюджети маблағлари ҳисобидан таъминланадиган инвестиция лойиҳалари қиймати камида 50 миллиард сўм миқдорда белгиланади.

Мазкур Қарорга мувофиқ, қуйидагилар тасдиқланди:

• 2022 йилда янги ташкил этиладиган қурилиш материллари ва уй-жой қурилиш кластерларини ташқи муҳандислик-коммуникация тармоқлари билан таъминлаш дастури ;
• 2022-2023 йилларда янги норуда конларини шакллантириш учун геология-қидирув ишларини амалга оширишнинг манзилли режаси;
• уй-жойлар қурилишини ва қурилиш материаллари саноатини янада ривожлантириш бўйича чора-тадбирлар режаси.

ССП Ахборот-хизмати