Ўзбекистонда электрон тижоратни ривожлантириш борасида Миллий стратегиясини ишлаб чиқиш лойиҳаси масаласида учрашув бўлиб ўтди

2022 йил 4 апрель куни Ўзбекистон Савдо-саноат палатасида “Ready4trade” грант лойиҳаси доирасида Ўзбекистон Республикасида электрон тижоратни ривожлантириш Миллий стратегиясини ишлаб чиқиш бўйича ЮНКТАД/ЖСТ Халқаро савдо марказининг Тадқиқотлар ва экспорт стратегиялари департаменти маслаҳатчиси О.Хомула ва Ўзбекистон Савдо-саноат палатаси Экспортга кўмаклашиш бошқармаси бошлиғи Ғ.Усмонов билан учрашув бўлиб ўтди.

Учрашувда О.Хомула Ўзбекистонда электрон тижоратни ривожлантириш Миллий стратегияси лойиҳасини ишлаб чиқишда тегишли вазирлик ва идоралар билан биргаликда Савдо-саноат палатасининг ҳам ўрни алоҳида аҳамиятга эга бўлганлигини таъкидлаб ўтди.

Шунингдек, О.Хомула Ўзбекистонга ташрифи давомида мамлакатнинг тегишли вазирлик ва идоралари масуъл ходимлари билан электрон тижоратни ривожлантириш борасида бир қатор учрашувлар ўтказилишини, уларда электрон тижоратни миллий даражада ривожлантиришнинг устувор йўналишлари муҳокама этилиши ҳаақида тўхталди.

Суҳбат давомида Халқаро савдо маркази ва Ўзбекистон Савдо-саноат палатаси ўртасида электрон тижорат соҳасини ривожлантириш ва тармоқларда корхоналарнинг экспорт стратегияларини йўлга қўйиш борасидаги ҳамкорлик масалалари муҳокама этилиб, маҳалий экспортерлар учун электрон тижорат имкониятларидан экспорт салоҳиятини янада оширишда яқиндан ҳамкорлик қилиш масалалари атрофлича кўриб чиқилди.

Учрашув якунида Томонлар Ўзбекистонда электрон тижоратни ривожлантириш ва экспорт салоҳиятини ошириш борасида ўзаро ҳамкорлик қилишга келишиб олдилар.