“Truetzschler Nonwovens билан бизнеснинг янги имкониятлари” мавзусида семинар бўлиб ўтди.

Жорий йилнинг 7 апрель куни “Wyndham Tashkent” меҳмонхонасида “Truezschler” GmbH & CO.KG & Trützschler Nonwovens & Man-Made Fibers” GmbH компанияси томонидан Ўзбекистон Савдо-саноат палатаси билан ҳамкорликда “Truetzschler Nonwovens билан бизнеснинг янги имкониятлари” мавзусида семинар бўлиб ўтди.

Ушбу семинарда Савдо-саноат палатаси, бир қатор тижорат банклари, тўқимачилик ва нотўқимачилик маҳсулотлари ишлаб чиқарувчилар, экспортерлар вакилларидан иборат 70 нафардан ортиқ  иштирокчилар қатнашдилар.

Тадбирдан кўзланган асосий мақсад республикамизда пхата хома-шёсини чуқур қайта ишлаш асосида юқори қўшимча қийматга эга тайёр маҳсулотларни ишлаб чиқаришни йўлга қўйиш ва шу орқали маҳаллий тадбиркорлик субъектларининг экспорт салоҳиятини оширишдан иборатдир.

Тадбирда “Truezschler” компаниясининг раҳбарлари ва экспертлари сўзга чиқиб барча ташриф буюрганлар учун компаниянинг нотўқима матоларни ишлаб чиқариш борасидаги фаолияти тўғрисида батафсил маълумот бериб ўтдилар. Шунингдек, семинарда “Truezschler” компанияси остида чиқарилаётган турли қувватга эга замонавий ускуналар асосида тайёр маҳсулотларни ишлаб чиқариш имкониятлари ҳамда бу лойиҳаларни амалга оширишнинг молиявий ва экспорт нуқтаи-назардан жозибадорлиги тўғрисида тақдимотлар қилишди.

Маълумот учун: “Trützschler Nonwovens & Man-Made Fibers” GmbH дунёдаги етакчи нотўқима материалларни ишлаб чиқариш ускуналарини ишлаб чиқаришга ихтисослашган компания ҳисобланиб, ушбу ускунлар ёрдамида  болалар ва катталар учун нам ва қуруқ салфеткалар, аёллар учун косметик ва гигиеник воситалар каби 40 дан ортиқ экспортбоп тайёр маҳсулотлар ишлаб чиқарилиш имкониятга эга.

2016 йилдан бери “Truezschler Group SE” тўқимачилик лойиҳалари ташаббускори бўлган тижорат банклари билан биргаликда умумий қиймати 800 миллион евродан ортиқ бўлган 70 дан ортиқ тўқимачилик соҳаси бўйича лойиҳаларни амалга оширди.

Семинарга ташриф буюрган иштирокчилар энг сўнгги замонавий нотўқима материаллардан чуқур қайта ишланган маҳсулотларни ишлаб чиқаришда юқори даражадаги автоматлаштирилган технологиялар, шунингдек, тайёр маҳсулотларнинг кенг ассортиментини яратиш имкониятлари тўғрисида батафсил маълумотларга эга бўлдилар.