“Ўзбекистон Республикаси Савдо-саноат палатаси ҳузуридаги Ҳакамлик судлари фаолиятини такомиллаштириш масалалари” бўйича семинар-тренинг бўлиб ўтди

Жорий йилнинг 8 апрель куни Ўзбекистон Республикаси Савдо-саноат палатаси ҳузуридаги Ҳакамлик суди раиси З.Қуватов бошчилигида ҳакамлик суди судьялари ҳамда Палатанинг вилоят ҳудудий бошқармалари ҳузуридаги Ҳакамлик суди раислари ва судьялари иштирокида “Ўзбекистон Республикаси Савдо-саноат палатаси ҳузуридаги Ҳакамлик судлари фаолиятини такомиллаштириш масалалари” бўйича семинар-тренинг видеоконференцалоқа орқали ўтказилди.

Семинар йиғилишда:

Ҳакамлик судлари фаолиятини тартибга солувчи ҳуқуқий нормаларини мазмун моҳияти, Ҳакамлик судларида низоларни ҳал этишда процессуал ҳуқуқ нормаларини қўллашнинг ўзига хос жиҳатлари ҳамда Ҳакамлик судлари фаолиятининг ҳуқуқий асослари, низоларни ҳал қилишдаги роли ва аҳамияти мавзуси бўйича Ўзбекистон Савдо саноат палатаси ҳузуридаги Ҳакамлик судининг раиси З.Қуватов ҳамда судьялар С.Холбоев ва Р.Акрамовларнинг маърузалари тингланди.

Ҳакамлик судларида низоларни кўришда мавжуд бўлган муаммолар ҳамда уларни бартараф этиш масалалари бўйича Тошкент шаҳар худудий Ҳакамлик суди раиси А.Мухамедов ва Бухоро вилоят ҳакамлик суди раиси Ж.Мирзаевлар ўзларининг қизиқтирган саволлари ва таклифлари билан сўзга чиқишди.

Семинар йиғилишда ҳудудий ҳакамлик судлари судьялари ўзлари учун муҳим бўлган маълумотларга эга бўлишда ва келгусида бу каби семинар йиғилишларни кўпроқ ташкил этиш ва ҳакамлик судлари учун долзарб бўлган мавзуларда семинар йиғилишларни ташкил этиш белгилаб олинди.