Қорақалпоғистон Республикаси Ҳакамлик суди семинари бўлиб ўтди.

Жорий йилнинг 24-май куни Ўзбекистон Савдо-саноат палатасининг Қорақалпоғистон Республикаси бошқармасида «Ҳакамлик судлари низоларини ҳал қилишнинг тез ва қонуний услуби» мавзусида семинар бўлиб ўтди.

Семинардан кўзланган максад Ўзбекистон Республикасининг «Ҳакамлик судлари тўғрисида»ги Қонунининг мазмун-мохиятини семинар иштирокчиларига тушинтириш, Ўзб ССП Қорақалпоғистон Республикаси бошқармаси ҳузуридаги Ҳакамлик судининг ўтган йиллар давомида ишларни кўриб чиқиш амалиётида учраётган масалалар, ҳакамлик судьялари қаторини малакали кадрлар билан кенгайтириш ва ҳакамлик судининг ваколатли давлат судлари билан муносабатларидаги амалиётни муҳокама қилиш ва фикр алмашишдан иборат бўлди.

Шу билан бирга семинарда Ўзб ССП Қорақалпоғистон Республикаси бошқармаси ҳузуридаги Ҳакамлик  ва иқтисодий суди судьялари ҳамда тижорат банклари юристлари, тадбиркорлар қатнашишди.