Навоий вилоятида ҳакамлик судларининг афзаллиги ва иш юритиш тартиби бўйича давра суҳбати бўлиб ўтди

Жорий йилнинг 10 июнь куни Ўзбекистон Республикаси Савдо-саноат палатаси ҳузуридаги доимий фаолият кўрсатувчи ҳакамлик суди томонидан низоларни ҳал қилишнинг афзалликлари ва ўзига хос хусусиятларини тадбиркорлик субъектларига етказиш ҳамда уларнинг фаолиятлари давомида дуч келаётган муаммоларни бартараф қилишда ҳакамлик судларининг роли ва аҳамияти юзасидан Савдо-саноат палатаси Навоий вилоят ҳудудий бошқармасида давра суҳбати ўтказилди.

Давра суҳбатида Республика Савдо-саноат палатаси ҳузуридаги доимий фаолият кўрастувчи ҳакамлик суди раиси З.Қуватов, вилоятда фаолият кўрсатаётган ҳакамлик суди раиси ва судьялари, Навоий вилояти суди судьялари ва Кармана туманлараро иқтисодий суд раиси ҳамда тижорат банкларининг ҳуқуқшунослари иштирок этди.

Шунингдек, давра суҳбатида низони тезкорлик билан кўриб чиқиш, ҳал қилув қарорининг узил-кесиллиги, ҳакамлик муҳокамасининг махфийлиги ҳамда ҳал қилув қарорини мажбурий ижро этиш кафолатланганлиги тўғрисида тушунчалар берилди.