Ўзбекистон Савдо-саноат палатаси томонидан яна бир тадбиркорнинг ҳуқуқ ва қонуний манфаатлари ҳимоя қилинди

Ўзбекистон Савдо-саноат палатасига унинг аъзоси “Tred Layn” МЧЖ мурожаат қилиб, ҳуқуқ ва қонуний манфаатларини ҳимоя қилишда амалий ёрдам сўраган.

“Tred Layn” МЧЖнинг мурожжати ўрганиб чиқилганда, Йирик солиқ тўловчилар бўйича ҳудудлараро давлат солиқ инспекцияси томонидан “Tred Layn” МЧЖ фаолиятида ҚҚС тўғри ҳисобланиши бўйича камерал солиқ текшируви ўтказилган ва Давлат солиқ қўмитасининг “Камерал солиқ текширувида аниқланган солиққа оид ҳуқуқбузарликлар материалларини кўриб чиқиш тўғрисида”ги қарори билан “Tred Layn” МЧЖга ҚҚС ҳисобланган.

Сўнгра, “Tred Layn” МЧЖнинг аризаси асосида Тошкент туманлараро маъмурий судининг ҳал қилув қарори билан ДСҚнинг қарори ҳақиқий эмас деб топилган.

Мазкур суд қарори билан солиқ органи зиммасига камерал солиқ текширувида аниқланган солиққа оид ҳуқуқбузарликлар материалларини қайта кўриб чиқиш мажбурияти юклатилган. Бироқ, солиқ органи томонидан ушбу мажбурият бажарилмасдан, “Tred Layn” МЧЖга қайтарилиши лозим булган 9 447,7 млн. сўм маблағ қайтарилмаган.

Шундан сўнг, Палата томонидан ўз аъзоси “Tred Layn” МЧЖ манфаатида Йирик солиқ тўловчилар бўйича ҳудудлараро давлат солиқ инспекцияси ҳисобидан ҚҚС бўйича ҳисобланган пул маблағларини қайтариш тўғрисида судга ариза киритилган.

Тошкент туманлараро иқтисодий суди томонидан Палатанинг даъво аризаси қаноатлантирилиб, Йирик солиқ тўловчилар бўйича ҳудудлараро давлат солиқ инспекцияси орқали давлат бюджетидан “Tred Layn” МЧЖ фойдасига ҚҚС бўйича ҳисобланган 9 447,7 млн. сўм маблағини қайтариш тўғрисида ҳал қилув қарори қабул қилинган ва шу орқали Палата аъзосининг ҳуқуқ ва қонуний манфаатлари ҳимоя қилинган.