Малайзия компанияси билан учрашув бўлиб ўтди.

2022 йил 27 июль куни Ўзбекистоннинг Малайзиядаги элчихонаси, Ўзбекистон Савдо-саноат палатаси масъул вакиллари ҳамда Малайзиянинг “Alpha Group” компанияси ижрочи директори Д.Алкатири иштирокида онлайн учрашув бўлиб ўтди.

Учрашувда Ўзбекистон-Малайзия ишбилармонлари ўртасида савдо-иқтисодий, инвестициявий соҳаларда ҳамкорликни ривожлантириш масалалари кўриб чиқилди.

Шу билан бирга Д.Алкатири Малайзия ишбилармон доираларининг Ўзбекистоннинг тўқимачилик, озиқ-овқат маҳсулотлари, кимёвий маҳсулотларга Малайзияда талаб юқори эканлигини алоҳида таъкидлади.

Бугунги кунда “Alpha Group” компанияси томонидан Ўзбекистон миллий маҳсулотлар шоурумини Куала-Лумпур шаҳрида ташкил этиш масаласи муҳокама этилди.

Онлайн мулоқот давомида ўзаро манфаатли ҳамкорликнинг истиқболлари жумладан, электрон тижорат соҳасида ҳамкорлик, республикамиздан Малайзияга озиқ-овқат, қуритилган мева-сабзавот, тайёр тўқимачилик маҳсулотлари экспорти ҳажмини ошириш, икки давлат ишбилармонлари ўртасида бизнес алоқаларини ривожлантириш юзасидан чора-тадбирларни амалга оширишга келишиб олинди.