ССП Қорақалпоғистон Республикаси бошқармасида судьялар ва хуқуқни мухофаза қилувчи органлар вакиллари билан тадбиркорлар учрашуви

Жорий йилнинг  25 июль куни Ўзбекистон Савдо-саноат палатаси Қорақалпоғистон Республикаси бошқармасида судьялар ва хуқуқни мухофаза қилувчи органлар вакиллари билан тадбиркорлар учрашуви бўлиб ўтди.

Учрашувда Қорақалпоғистон Республикаси суди раиси К.Тарихов, Қорақалпоғистон Республикаси Маъмурий суди раиси А.Нурлепесов, Ўзбекистон Савдо-саноат палатаси ҳузуридаги Ҳакамлик суди раиси З.Қувватов, Қорақалпоғистон Республикаси  Прокуратураси бўлим бошлиғи Қ.Бектурганов, судьялар, корхона ва ташкилотлар, банк филиаллари бошлиқлари, тадбиркорлар ва ОАВ вакиллари қатнашишди. Тадбирни Ўзбекистон Савдо-саноат палатасининг Қорақалпоғистон Республикаси бошқармаси бошлиғи в.в.б. А.Сейтахов бошқариб борди.

Учрашувда судлар томонидан бугунги кунда тадбиркорлар иштирокида кўрилаётган ишлар ҳолати, учраётган ижобий, шунингдек салбий тенденциялар, қонунчиликда суд соҳасида тадбиркорлик субъектлари учун яратилаётган қулайликлар, берилаётган имтиёзлар тўғрисида айтиб ўтилди. Шунингдек, Ўзбекистон Республикасининг “Ҳакамлик судлари тўғрисида”ги Қонунига асосан ҳамда тадбиркорликни бундан буён ривожланиши учун мўътадил иқлимни яратиш ва табиркорларни ҳуқуқий қўллаб-қувватлаш тизимини такомиллаштириш мақсадида Ўзбекистон Республикаси Савдо-саноат палатаси ва унинг ҳудудий бошқармалари ҳузурида Ҳакамлик судлари ташкил қилинганлиги ва ҳакамлик муҳокамаси иқтисодий низоларни ҳал этишнинг самарали механизми бўлиб, унинг иқтисодий судлар ва фуқаролик ишлари бўйича судлардан фарқли жиҳатлари сифатида  ҳакамлик судида ишлар тезкорлик билан ҳал этилиши, тарафлар ўртасидаги ҳамкорлик сақлаб қолиниши имконияти, ҳакамлик муҳокамасининг махфийлиги қонун билан кафолатланиши, суд харажатларининг камлиги ва ҳ.к. тўғрисида батафсил маълумот берилди. Тадбир давомида иштирокчиларга, улар фаолиятида учраётган муаммо ва ечимини талаб этаётган масалалар бўйича саволларига жавоблар берилди ва мунтазам равишда учрашувлар ташкил этиб борилишига келишиб олинди.