Ўзбекистон ишбилармонлар делегацияси Венгриянинг Urban Confectionery Ltd компаниясига ташриф буюрди

Венгрияда хизмат сафарида бўлиб турган Ўзбекистон ишбилармонлар делегацияси 30 сентябрь куни Венгриянинг Urban Confectionery Ltd. компанияси фаолияти билан танишиш мақсадида мазкур компания ишлаб чиқариш мажмуасига ташриф буюрилди. 

Учрашувда Ўзбекистоннинг 9 та компанияси вакиллари Венгрия компанияси фаолияти билан танишдилар ва келгусидаги ҳамкорлик масалаларини муҳокама қилдилар. 

Жумладан, учрашувда Ўзбекистондан шиша маҳсулотлари, қуруқ мевалар, дуккакли маҳсулотларни Венгриянинг қандолат саноати корхоналарига етказиб бериш масалалари атрофлича муҳокама этилди.

Шунингдек, Ўзбекистон тадбиркорлари венгер компаниясининг қандолат, печенье, вафли ва бошқа турдаги ширинликларни ишлаб чиқариш имкониятлари билан танишдилар. Корхонадаги замонавий технологияларни юритилиши ва менежмент тизими билан танишиб чиқилди. 

Учрашув якунида Ўзбекистон ва Венгрия компаниялари ўртасида маҳсулотларни Венгрияга экспорт қилиш масалаларига келишиб олинди.