Жанубий Кореянинг Ўзбекистондаги компаниялари тақдирланди

Жорий йилнинг 13 декабрь куни Савдо-саноат палатаси Жанубий Корея Республикасининг Ўзбекистондаги элчихонаси билан биргаликда 2022 йил Ўзбекистон-Корея корпоратив ижтимоий масъулият бўйича форуми ва Жанубий Корея компанияларини тақдирлаш маросимини ўтказди.

Тадбирда Ўзбекистон Савдо-саноат палатаси раиси Даврон Ваҳобов ва Жанубий Корея Республикасининг Ўзбекистон Республикасидаги Фавқулодда ва Мухтор элчиси Ким Хи Санг иштирок этди.

Ким Хи Санг ўз нутқида бугунги кунда корпоратив ижтимоий масъулият тобора муҳим аҳамият касб этаётганини, чунки бу бутун инсониятнинг барқарор ўсишини ҳаракатлантирувчи кучи эканлигини таъкидлади.

- Мен ўйлайманки бугунги тадбир сўнгги йилларда икки мамлакат ўртасидаги дўстона муносабатларнинг жуда муҳим аҳамият касб этади, бу қўшган ҳиссаси учун миннатдорчиликни англатади, – деди Жанубий Кореянинг Ўзбекистондаги элчиси Ким Хи Санг.

Ўз навбатида, Ўзбекистон Савдо-саноат палатаси раиси Даврон Ваҳобов Ўзбекистон иқтисодиётидаги корейс бизнеси етакчи ўринлардан бирини эгаллаяшини ва бугунги кунда 930 дан ортиқ корейс корхоналари фаолият кўрсатаётганини таъкидлаб ўтди. Шунингдек, кореялик ишбилармонлар Ўзбекистон иқтисодиётини ислоҳ қилиш ва барқарорлигини таъминлашда фаол қатнашмоқда.

Шунингдек, Даврон Вахобов нутқининг охирида Савдо-саноат палатаси номидан Ўзбекистонда фаолият юритаётган барча корейс компанияларига мамлакат ривожига қўшган улкан ҳиссаси учун миннатдорчилик билдирди.

Ушбу тадбир доирасида 2022 йилда Жанубий Корея компанияларининг ижтимоий ривожланишга қўшган ҳиссасини муносиб тақдирлаш маросими бўлиб ўтди. Жорий йилда Корея элчихонаси Савдо-саноат палатаси билан биргаликда сўровнома ва тадқиқотлар ўтказиш орқали энг яхши 5 та компанияни аниқлаб, корпоратив ижтимоий масъулият бўйича энг яхши компанияларни танлади.

Ушбу рўйхатга "POSCO International", "GKD" (Global KOMSCO Daewoo), "Eurasia Networks Group", "Hyundai Engineering", "KDB Bank Uzbekistan", "Корпоратив ижтимоий масъулият орқали Ўзбекистон ва Корея ўртасидаги дўстликни мустаҳкамлашга қўшган улкан ҳиссаси учун" номинацияси остида маҳсус дипломлар билан тақдирланди.

ССП матбуот хизмати